囝小三，入咗泳隊四個月，一星期游5日，每次兩個鐘內游5000米，有時時間唔達標要游多2000米蝶式同做掌上壓100下。
有時游到周身痛，想問吓呢個訓練量係咪合適？應該做d咩食d咩可以減低肌肉酸痛？
唔識，但聽落似乎強度太高
一個奧運標準池50米，即係每日100個直池，
係邊個泳池訓練？
泳池係咪有一50米咁長？
我個人認為, 睇吓你游水目標係咩啦… 參加公開賽, 呢個訓練量又真係差唔多… 仲要睇睇你仔仔意願.
我個女細時, 因氣管敏感嚴重, 想佢鍛鍊身體, 就每星期操2-3日, 每次兩個鐘…
目標唔同, 相對嘅嘢就有唔同…
我中學都係泳隊,一日游5000米梗係過量啦!
正苦大間泳池有一個大池有50米,水深1.8米,一次過50個來回根本唔岩小學生游 
但係見到有啲小朋友早晚都游，成日游咗成10000米
一定有極少數人中之龍可以咁樣日日游,但普通小學生就算想去操水比賽都無必要咁游
主池係有5 0米長，
副池或訓練池沒有5 0米長
個小朋友游到頭髪金色，皮膚 和眉毛都白晒