何雁詩（Stephanie）在2020年與鄭俊弘（Fred）結婚，兩人育有一子鄭讚廷（Asher），早前Stephanie因回應當年的小三風波而引起夫妻感情生變的猜測，日前，何雁詩出席活動時接受訪問，除了透露夫妻真實關係外，更自爆天使仔仔已移民溫哥華，引起熱烈討論！
何雁詩親爆天使仔仔移民溫哥華
何雁詩早前出席活動時接受訪問，透露仔仔Asher已移民溫哥華，現時兩公婆需要經常來往兩地輪流照顧仔仔，何雁詩指自己現時每2個月便會回去陪伴仔仔2至3星期，直言與老公在照顧仔仔方面非常合拍，雖然兩人見面時間大減，不過仍有在群組上保持聯絡。
有網民就估計，何雁詩的仔仔在加拿大溫哥華應該是由其他已經移民過去的家人照顧，而何雁詩與鄭俊弘就因為工作關係，而需要經常往返香港及加拿大，持續在外打拼。
何雁詩亦透露仔仔移民溫哥華後生活很快樂，因當地空間更大、氣候舒服和親子活動更多，對仔仔成長有莫大的幫助，同時能創造更多美好回憶；不過，何雁詩亦坦言兩地飛令花費增加不少，而且工作安排上更困難，但何雁詩依然會以家庭優先，盡量滿足家庭與事業需要。
(source: 何雁詩親認舉家移民溫哥華！已帶天使仔仔離開香港生活 6字回應夫妻感情生變 | UHK 港生活)
個人覺得, 香港樂壇少你兩個都無咩損失, 不如你地番去溫哥華湊仔先啦!
1個讚
記得之前仲有d 網友話, 反正佢地有錢照顧特殊需要既小朋友, 生多個細佬妹都好呀
我宜家只覺得, 佢地根本就唔想對自己小朋友負責, 之前為天使綜合症小朋友高調受訪/ 開演唱會, 拎盡光環, 宜家拎完光環, 個仔先4歲就話送佢俾外國既家人湊
3個讚
唔係話要好似陳錦鴻咁每日陪個仔返學咁貼身，但都唔係放去加拿大然後咁少時間比個仔啩
2個讚
我見thread 有個網民既留言好正 
佢話鍾嘉欣生左三個, 人地長居加拿大, 有工作先飛香港/ 內地
佢地兩個加埋都無鍾嘉欣咁紅, 但講到為左工作先留番香港, 唔知仲以為佢地紅過鍾嘉欣
我想知係咪宜家個仔飛左去加拿大, 兩個月先一次(我俾夠你幾次)親子活動已經叫做比佢響香港時"更多"? 
鍾嘉欣每個演唱會都有noise，人哋真忙，dem beat都有
1個讚
真喎
早兩日又有娛樂新聞話佢地約朋友上半山豪宅打牌了
根本就無野撈啦
1個讚
就當佢哋要工作啦，都係父母是但一方做啫，何仲要娘家咁有錢，而家個安排點都講唔通
」