我真係好震驚有人會咁講野咁趕客 
事緣個場我去玩開既,咁今日有隻公仔(普通細公仔,我上網買只需$20)夾左落洞,但係卡牌,咁我咪WTSAPP台主問佢計唔計出?之後佢SEND左條片俾我睇,佢夾多十下出到隻公仔,但佢好串咁講句"你覺得要計?"
咁我咪正常答佢,“我當然覺得要計出先問你”,跟住個台主就SEND一大段字黎話我貪心 
好癲，我之前都有夾，所以FB有睇個啲夾公仔中伏page
好多台主都好狗！真係$10蚊$20都唔計出！(明明已回本)
自從有次冇睇清楚，夾左部封洞口，又少少未落哂，問台主計唔計，一日冇覆，上FB問，好多人話「唔會覆」真係等左2日先覆，話旅行(我覺得扮野)，見FB有noise?所以話計比我(係Jellycat 夾左都$150左右）
心諗如果唔FB到講，可能真係凍過水！個次之後真心怕左，$10/$20玩左就算！封洞一定唔玩！有n個藉口唔派仲大條道理，慘過乞
1個讚
呢啲所謂老闆係咪當自己係地主呀大商家咁？
1個讚
我平時都有玩開街場,封洞同賭台我一定唔玩~
態度差同好似呢個台主咁小氣既台我一定唔再玩 
1個讚
都有少數好台主既(我都曾經係良心台主),
但好多人都做壞風氣囉,我唔會打學生做台主既台,因為佢地係咩都唔會計出!
但我估唔到呢個中佬台主都咁小氣,仲要我成日去呢個場,呢個場個個都知我算好客,唔計唔緊要,但佢話我"貪心",我以後都唔會幫襯佢D台
冇玩過夾公仔機
但如果玩，只會去冒記，namco呢d大集團
起碼人哋有保夾，均真好多
唔會好似呢d咁比錢玩仲要受氣
2個讚
我都寧願俾錢佢地賺。
NAMCO職員好過冒險,公仔起碼肯擺返原位/幫手換款
原來唔係間間都可以要求夾邊款
記得經過namco，睇到好多人手上都拎住唔只一隻公仔，d人有收穫，玩得開心，自然會捨得繼續使錢夾
d細台台主成日用鐵呎封口，卡住喺出口又唔當夾到，下下要自己賺盡，唔明點解仲有人玩細台唔去namco果d
namco係間間得,冒險睇職員,唔係個個肯整 
1個讚
都有好台主既,不過好台主都係放平貨多,有時d台玩夾送既,放垃圾貨都有 
睇你想要咩啦,目標係拎夾送台主又手鬆既,我唔介意佢入面有幾蚊雞貨…
不過衰台主更多,咩都唔計出 