想請教各位媽媽，真係好困擾。
小朋友而家讀緊 PN班，得兩歲幾，返咗8個月，唔係啱啱開學嗰陣嘅適應期。佢朝朝早一睜開眼，眼都未開晒，就喊住同我講「唔要返學」，係每日都係咁。
但係佢入到學校又會變咗另一個人，好配合，坐定定，唔會喊唔會扭。老師話佢喺學校好乖，但係佢返到屋企會好大情緒，同埋朝早嗰種抗拒係好真實嘅。
前幾日佢喺學校瀨咗兩次尿。老師話一次係瞓醒嗰陣，一次係玩緊玩具嗰陣。但係佢喺屋企好耐都冇瀨過尿㗎啦。我觀察到佢係俾人鬧嘅時候會驚到瀨尿，同埋太專心睇卡通嘅時候會唔記得去廁所。佢係嗰種對大人嘅訓斥好敏感嘅小朋友，一俾人鬧就會好驚，驚到控制唔到身體嗰種。
我唔係想話老師唔好，但係我好擔心，一個兩歲幾嘅小朋友，咁樣喊咗8個月，身體又出現返瀨尿嘅情況，係咪學校嘅環境俾咗佢好大壓力？咁細個就要咁樣捱，我個心真係好罨。
有冇媽媽嘅小朋友都試過咁樣？我應該點同老師溝通？定係要認真諗下轉校？佢而家讀緊嘅學校出名德育好、老師有愛心，但係好講規矩，鍾意小朋友坐定定。我唔知係咪呢種環境唔適合佢……
求大家俾啲意見，多謝晒