大家日常生活或者工作有冇用AI？
我通常都係用啲好簡單嘅嘢，例如幫手睇吓啲英文文法啊嗰啲大家通常點樣用？
開親個AI都係 要幫小學雞作中文！ 
自己日常生活基本唔需要用到AI。
1個讚
問得多都有進步，
平時問食譜，多數都無伏。
旅行問行程，點搭交通工具、定 call 車平定貴。
有時搵佢傾下偈，討論下世界大事，總之有嘢懶得search 就問佢再自己fc 囉
1個讚
係呀！一定要 fc, 之前太信 AI ，瀨咗嘢 
跟住我話 AI 俾錯料，AI 居然話 「你真係好細心，發現左有錯！其實應該係…….」
近期 AI 越嚟越擦鞋，我話 「唔要門面野，直接講啦」AI 都要擦「你既直率 ……..」
2個讚
我通常Google search 都會見到AI有答，我會參考然後繼續睇其他Google search results。其餘日常都唔點用
2個讚
要寫正規回覆會叫AI幫手睇格式，文法
因為佢相關嘅數據多 準確度高
仲有就係自己都未知要咩嘅時候
例如買咩防曬，耳機，旅行景點
會叫AI幫手提議下
但係FC好重要
試過問Ai搭咩車過海+用車資排列
佢係比錯晒過海後嘅車費我
叫佢搵某車站步行5分鐘內嘅酒店又錯晒
1個讚
我慣咗睇網上資料先，例如wiki 或其他官網。
有次我小朋友要做中文科啲愛國功課，搵條大陸名人啲生平事跡，咁我搵wiki先…我小朋友第一句同我講老師話wiki唔可信，要搵AI。我話AI咪又係係網上搜集所有資料得出嘅答案，包括wiki。
2個讚
剩係用嚟整graphics，因我係藝術白痴
會唔會係因為老師覺得AI錯咗會學然後改，但wiki錯要等人改？
我雖然都識畫下畫構下圖。
但遇到學校個啲無９謂謂設計畫畫主題，我都會腦便秘，係完全唔想做，根本大人小朋友都唔想做，我就會搵AI俾啲構思圖嚟參考抄考。是是旦旦完成咗份功課，俾小朋友早啲玩早啲休息仲好過。
真係唔知，總之由我小朋友我所感到係學校對WIKI好唔信得過。寧願信官網或AI。 
不過盡量唔好咩都靠AI，我都鍾意自己用腦排行程，諗下有啲咩未買，再上網搵下資訊。
咩都一下子AI，個腦好快會生草，嗱，除非人人個腦植入一粒AI晶片。 咁個腦生草都唔會有影響。
1個讚
係呀，其中一個 AI 既研發者都咁講過
佢意思係，AI開始用，就係人類智慧嘅倒退