唔知大家有無睇新聞, 我睇到既簡單版本 (有錯請補充):
兩母女為教育問題爭吵, 個阿媽就走番入房, 之後被個女發現墮樓。
阿爸同個女一齊去醫院, 見過所謂既心理學家等等, 之後兩父女夜晚番屋企, 跟住個女就墜樓了……
明白教仔係辛苦既, 壓力好大既, 尤其細路唔聽話唔懂事, 都會搞到家嘈屋閉。
唉…… 我覺得個女仔見到阿媽咁樣自尋短見, 應該好內疚, 所以都跟住媽媽走了……
RIP
今日新聞話母親是駐公院社工，好可惜嗰一刻情緒控制唔到。
1個讚
青少年反叛期真係可以好激心
2個讚
我懷疑有人話過個女仔攪到個呀媽咁,所以個女仔先睇唔開………….
個呀媽好自私,佢咁樣死左全世界都會怪個女,個呀媽就變左受害者…….
其實我有D明個女仔點解會即晚咁做,一個成年人都未必頂到呢D污名
1個讚
呢d 真係叫"一念之差"
果一下無左理性, 邊會考慮咁多, 就係一下子就做錯決定了
1個讚
唔係想怪個女，但個女自己知道咩事，咩原因媽媽會咁樣做。就算旁人唔出聲唔怪佢，但佢都責無旁貸
冇人知道媽媽決定跳落去之前2個有咩對話。自己補腦就無謂喇。悲劇
父母有時真係好難做，一心想仔女成績好，由自身經驗希望佢哋將來打工唔洗咁辛苦，明白讀好啲書既出路係容易啲。但另一方面又唔知應該點平衡，特別依家手機年代，唔好話後生，成人都機不離手，又引起爭執。青春期就更加惡劣添！
有時只差一念
2個讚
唉….真係好痛心 RIP
1個讚
真呀, 以前我地呢代, 細個窮過, 就會明白點解要讀書, 點解要番工
宜家呢代, 好多時天生就生活無憂, 打機上網又一日, 根本唔明點解要番工同讀書
thread 度有人講, 俾佢"本pear" 咪得, 俾佢自己考試failed 升唔到班咪得, 父母使乜迫佢咁多
生性既就話知道自己留班樣衰會讀番書啫, 唔生性既真係自甘墜落做隱青架
另外就係, 有d 學校, 有時學業跟唔上, 學校都會打電話俾家長講, 家長都好難完全唔理同無壓力。
2個讚
我識對父母真係咁做,因為佢地個女係天生壞種(呢樣係我個人認為),呢種天生既好大膽,父母唔可以對佢硬,咁岩佢呀媽成日掛住要做生意搵錢(但搵唔到大錢),所以佢地係完全放任個女,成績唔好就讀BAND 3中學,做壞事俾學校罸就由佢,佢地暫時都仲相安無事既……
個女如果可以長大成人,將來做到成功人士,其他人會話係個慈母以死相諫~
如果佢將來生活差,其他人會話佢無心肝無人性,個呀媽因為佢死左佢都唔生性…..
我都知個媽媽好辛苦先睇唔開,可能當時佢無諗過佢既死亡會導致咩後果
1個讚
band 3 唔緊要, 係佢要自己知道將來要為自己負責
今日揀左唔讀書, 第時早d 出黎做野, 唔好嫌辛苦, 唔好為左錢而做唔三唔四既野就得架喇
最怕係自己技不如人, 唔夠努力, 唔願付出, 但又唔接受現實
1個讚
連登有個comment 話覺得香港啲樓要裝窗花，因為香港人真係太大壓力。有窗花可以攔一攔嗰一下的衝動。
其實佢講教育問題唔知關唔關成績事，定係關品格事。其實呢個ai 世代，讀到書都未必揾到野做，所以家長本身mindset 都要改改。我覺得訓練小朋友展現自信，能夠表現自己更加重要。
希望個爸爸仲捱得住。
2個讚
我試過，有次冇睇作業
老師打黎話佢錯好多，叫我望下
我心諗，佢錯好多咪姐係佢唔識囉，咁你唔係教佢咩？我？我睇下？咁你做咩？
但我忍左，冇講….
6個讚
跟住又賴父母冇「幫」佢哋，冇「joy培」佢哋
好似我呢啲咁，邊有錢補習，又冇錢學琴學畫畫..
依家有錢就會想比啲細路學，但佢哋又會話「點解要學咁多」唉，真係慘，我細個想學都冇，唔識又冇得問，但佢哋就唔會珍惜。所以我唔迫佢哋，我知佢哋唔係「朗朗」，我唔想辛苦自己！
1個讚
要睇得開，心理預備個女可能做「16歲媽媽」
但到時點，邊個養？錢呢？
真係「由佢」？做唔做得到先？
唉。不過你話「壞種」好搞笑，係咪由細到大都咁惡搞？
定因為一直冇管教既後果？
1個讚
我想加多兩樣, EQ 同AQ
人最緊要係輸得起
我小朋友讀幼稚園, 唔係咩名校呀, 廣東話屋村幼稚園咋, 一個星期得兩堂英文, 平時都少功課, 跟住K2 上學期, 認唔晒26個字母, 就話我個小朋友跟唔上乜乜物物, 講到我女好嚴重問題咁樣, 叫我去健康院評估呀乜乜物物
真呀, 一係要好有錢養佢, 一係就要睇得好開
我睇threads有一個post話係阿女訓晏咗唔肯返學，同阿媽嘈，阿媽一氣之下就jump咗。
先不論是否真相，今時今日有細路覺得自己「可以返少一日學」都不足為奇。
我想問各位家長，如果你仔女已經考完試，交晒功課，佢話今日唔想返學想喺屋企「唞下」，你哋會唔會俾？
1個讚