大家見過我留言都知我以前係做化妝師同幕後,只係十年前生左小朋友先無做,其實當初我都仲有一邊湊女一邊苦苦堅持做,但係我老公完全唔支持我做,佢專攪破壞(因為佢唔想幫手湊女),直到幾年後我大病要做手術,我先無再接JOB,而家我都有做網店果D,不過搵唔到咩錢…..
佢就提左幾次叫我去搵侍應或收銀長工做,我明職業無分貴賤,但我先得30尾,都算係專業人士,屋企又唔等錢駛,佢真係好侮辱我…………..
你有冇干涉佢工作？如果冇叫佢收聲
我以前係好支持佢工作,就算佢轉工初頭人工低我都支持佢,又幫佢同親戚朋友宣傳幫手搵生意,同佢班朋友/同事聚會,我都會表現得大方得體…….
自從幾年前我病過之後我已經唔再理佢事業或人際關係既野,反正佢都無感激過我
的確好難受! 咁化妝師既工作仲有無得做番? 即使初期揾得唔多, 都係一個開始.
佢開口要你揾工係屋企經濟有事而佢無出聲, 定話佢是旦揾個職業出黎講, 純粹係想你去揾工, 而唔係真係想你做收銀待應?
叫佢少管閒事，專注返喺家庭個責任度。做侍應或收銀你咁大個人會識，唔需要佢提，叫佢顧掂自己工作先
每個人都係獨立個體，兩夫妻都一定要尊重對方
1個讚
佢真係想我做呢d,因為可以揀近屋企既鋪頭同返早更
佢就係唔尊重我,佢以前已經係又想我搵到錢又怕我叻過佢!
佢而家仲賤,辛苦工佢自己都唔會去做啦,仲想點我去做,最好我做完早更就返屋企做家務
我一直有留一筆錢想開個人studio,但係近年有舊行家開左都係蝕錢,大家都無job做,我有幾張證書有專櫃經驗,但係我呢個年紀唔會請啦,品牌好多都無生意 
你唔好理佢，同佢講佢冇資格過問你嘅事業，屋企嘅財政狀況再好好傾下點解決
收錢？侍應？佢自己做先囉
1個讚
屋企財政其實無問題,層樓供完好耐,係佢話想開始儲錢退休,我咪話咁你唔好養部假日車已經可以儲起D錢,仲有追返你俾朋友呃既投資…..
我同佢儲蓄係分開獨立既,疫情前唔知係佢呃我定佢真係俾人呃啦,話拎左筆錢去投資,而家拎唔返
咁更加唔使理佢啦，佢去做侍應你先去做囉
2個讚
難聽啲講：關佢叉事咩，自己冇本事對另一半指指點點，叻就唔會亂投資比人呃。
搞掂佢自己先啦，佢做乜唔去做侍應或收銀呀？你叫佢做地盤丫，聽人講搵得最多，南亞都做
佢而家份工算幾好做,返office算係專業人士~ 我就唔明佢發咩癲,以前返工有個呀姐同我講,如果老公份工唔差,唔會想個老婆做唔好既工失禮佢,我老公完全相反
1個讚
你同佢講唔好做Office，做地盤又專業又搵得仲多，叫佢考慮下
4個讚
做任何工都唔會失禮佢，佢個問題係唔錫你唔尊重你
1個讚
佢都幾唔尊重你, 正常點會想個老婆打份辛苦工，我覺得佢似係想製造矛盾去打擊你.
1個讚
可能你老公都係想大家過得好啲,我孩子都已經入大學了,我老公都冇強逼我再去工作,說現在玩下貓給我過些輕鬆生活.
係呀,最離奇係佢唔係而家先開始咁講野!
好多年前我已經同佢嘈過,我話你唔幫手湊女又阻止我搵人幫手湊,我唔做野幾年好難再接到JOB!我好記得果時佢已經叫我到時搵超市收銀做……….
我叫佢想慳錢就自己洗車佢都已經唔肯啦,地盤佢一定唔會做(佢都做唔黎)~
佢只係想佢自己過得好D 