可能係月經post，但我好想呻下
大貓真係好離譜！
我有3個大貓戶口，一個紅簿仔，一個支票，一個供樓（聯名）
上星期六開始無端端凍結咗個紅簿仔戶口，乜通知都冇，係我網上增值八達通失敗（無得autopay）先發現
打去匯豐N次，話我戶口「檢視中」，問咩原因佢就話「為了金融系統穩健」，咁到底我做錯啲咩會比人揀中？佢又話我無做錯
但我出糧、交管理費、保險、阿仔學費、找信用卡都係呢個戶口，你block咗我我點交？
CS一味話對我做成不便深感抱歉，問佢要block幾耐佢又答唔到，問佢點幫我，佢叫我用其他戶口先！
係咪痴線㗎，出糧autopay轉戶口都最少一個月啦！
我自問良民一個，無炒股無做小生意，每月準時供樓
戶口係用嚟出糧同埋處理一切生活開支，好多出入但都係幾百至幾千，交下學費、俾家用、教會奉獻嗰啲
點解要凍結我戶口？？？