唉，個仔想讀大學點解唔支持？
2個讚
當年我屋企人都係咁俾壓力我唔好讀書,出黎做野搵錢交租……..
我只可以講真係有呢d父母或兄姐,自己讀唔到書就唔想你讀到,只想你出黎做野拎錢返屋企
2個讚
好多人誤會左個仔係要個呀爸俾錢佢讀書,其實係唔駛個呀爸出錢,只係要佢簽個名~
可能個亞爸真係完全唔識, 又或曾經咁樣被人呃, 又或開始腦退化, 困左係思想盲區, 理解唔到其實唔係要錢, 新聞太少資料好難評
有啲人生仔女 只係為左 養兒防老 
1個讚
我阿媽當年都想我搵錢，但我成功說服到佢讀完大學等幾年搵錢仲多
2個讚
個仔肯上進, 又可以借grant loan, 我諗唔明點解要阻止? 究竟係咪真係想個仔盡快搵錢養家… 唉….
有啲人既思維真係冇變到…
「我以前14歲就出黎做野啦～洗乜讀咁多書～」
「我以前10幾歲就出黎做野啦，照顧細路妹、煮飯….」
Sad
1個讚
我以前屋企好窮，亞媽都係唔比我讀大學，想我出來做野揾錢。好彩我妹出來做嘢，同埋我契媽幫手游說。
比仔女讀大學之後再比家用啦好心
不過講起家用，我身邊所有唔使比家用嘅friend都係不負責任之人，事業亦一事無成。仲要廿幾三十歲人讀master都問屋企攞錢嗰隻
1個讚
資訊太少，好難評論。
案中個男仔21歲，唔係一般讀完DSE（17歲左右）咁上，如果佢係讀完中學明明讀到書但老豆唔比，咁就老豆有問題。
2個讚
點解唔講係”衣食住行醫教”六大劏人怪獸做成既經濟問題出現這單事件,當然家長唔識教都可能係一個問題.
內文入面寫
據了解，**羅男兒子21歲，現就讀大學。**父子曾因升學開支問題發生爭執，當時兒子表示希望繼續讀書，並申請學生資助貨款，要求羅男簽名作實。惟羅男對兒子升學頗有微言，直指兒子應投身社會工作，兩父子遂爆發爭執。
寫已經係大學生, 會唔會想讀碩士, 所以要再借, 咁佢老豆可能覺得之前已經借左一大筆, 而家又要再借.
加上個老豆活在上個世紀覺得已經讀左咁多乜都夠應該出黎做嘢.
1個讚
如果個仔係想繼續讀碩士嘅話，咁我覺得又真係要自己半工讀喎（我諗唔少人都係咁做）。
係 Threads，有人話係影響攞綜緩
點解？
讀碩士綜緩唔批？
呢啲家長平時就唔比仔女讀大學，但一到話仔女考到醫就實比，借錢都比，因為有得唱通街威
正常出嚟做嘢先會影響喎？
Threads 有人話綜緩 三個人 係直接入父親戶口，當兒子申請 grant loan，綜緩就只有兩人入父親戶口，grant loan 就直接入兒子戶口。
2個讚
原來係咁！
我有啲明點解個老豆發癲，佢覺得個仔分薄左佢嘅錢。
1個讚