或者叫惡果？所有認識重男輕女嘅親戚朋友,啲仔都冇下一代, 啲女全部有下一代而且婚姻幾美滿
我認識嘅有孫有室
唔算, 講句唔好聽, 通常個老人家有咩事, 又突然記得有個女, 咩事都搵阿女照顧同埋單
1個讚
因為知道啲仔廢同自私
1個讚
有親友（大女）自出來工作就上繳薪金俾亞媽，幫細佬上車，之後再幫細妹上車，佢做到天昏地暗，當時我叫佢留返啲錢俾自己，佢鬧我涼薄。
多年之後佢同我呻，佢俾零用錢亞媽，佢亞媽轉身就俾左個仔，佢亞妹叫佢供姪仔去外國讀書；當佢既弟妹問亞媽攞錢時，佢亞媽就會話「問家姐攞」。
當親友唔肯俾錢時，亞妹塊面爛＋黑到一個點，親友好傷心
Sorry 樓主，有啲離題
1個讚
如果個家姐冇結婚，直情成世都比埋原生家庭，有樓就過埋比細佬妹。而且真係通常都有，因為呢啲女仔一定又生性又發奮又叻
所以有呢啲大家姐朋友千祈要提醒佢哋多啲為自己，有冇用都好，多一把聲音係好事
2個讚
我都有朋友係咁, 阿媽話要買樓, 朋友就要負責供, 但層樓寫細佬名, 自己讀master 都要借 P Loan, 之後阿妹離婚, 層樓就俾左阿妹一家住, 仲要供阿妹D小朋友讀書, 自己要好慳, 話就話無乜物慾, 亦都唔係話有名牌裝身就代表好, 但反而細佬妹都有一件半件名牌, 朋友就乜都無
2個讚
我親友就已經醒咗，你朋友醒左未？
回應返樓主：呢啲男嘅冇咗阿媽同家姐甚麼都不是，可能要搵人結婚都唔易，結咗都唔生，而家啲女仔好醒，唔會咁易上呢啲寶貝仔當
1個讚
唔覺佢醒咗, 係佢阿妹D小朋友已經出身有工返, 佢無咁大負擔先開始肯用錢係自己身上. 前排佢一家人去旅行, 咪又係佢出錢, 阿妹只係負責plan 行程.
你朋友年資尚淺，我親友用了四十年才醒，其實都多謝佢亞妹爛＋黑面
2個讚
嘩，當家姐係提款機?
亞媽當個女係 ATM，弟妹照跟
1個讚
我都識得類似, 又係大女有細佬細妹, 大女專被搵笨, 大女之後同發錢寒父母炒大鑊, 直接同成家反晒面, 但個心依然係希望細佬細妹會同自己聯絡, 根本細佬妹都係自私L, 當然唔會關心個家姐啦, 後來終於肯改電話真正死心。
講開我識啲寶貝仔都好少結婚生仔，陰功咯佢哋啲皇位邊個繼承
同呢啲寶貝仔結婚嗰個先至係最無陰功呀！累咗人哋個女一世
好少何有人咁犯賤,我識既人係相反,把口就聖人上身咁叫我唔好咁不孝,實際佢地就係成屋入面拎著數果個 
我係呢類CASE入面既大姐角色,但實際我係細妹(我對上有3個家姐),我16歲就要出黎打工養呀媽,家姐結婚我又要幫手又要買金器送俾佢地,佢地梗係無送返俾我啦,發生好多搵我笨既事,我呀媽好公平架,佢一個都唔鍚,對4個都咁衰~終於我忍無可忍叫佢地唔好再搵我,我就改左電話啦 
4個讚
我外父係重男輕女，仔有結婚但唔生小朋友，女即係我老婆，生兩個。
但我唔覺得唔生小朋友係報應，我啲仔女廿幾歲講到明唔生，我自己都覺得無所謂。
2個讚
我諗樓主講緊嘅報應係對上一代嚟講重男輕女，但最後啲男冇下一代，對啲“死老嘢”嚟講係報應
我哋呢代就通常好ok
1個讚