新年後真係感覺到咩叫完全無生意 
1,網店有人問無咩人買,就算買一件都要壓價!
2,夾公仔場主同我講,客人少左,多左台主退租
3,我往年暑假會係某NGO教一期興趣班,今年我問起先知被CUT BUDGET無得攪
1個讚
NGO 同學校都比人狂cut budget, 做開呢啲生意的公司就慘了。
2個讚
經濟唔好，AI 又代替好多人嘅工作，保住份工唔容易，網店係有得做，但要物超所值，加生活必需品，而公仔係可有可無嘅嘢。
網店來講，賣優質食材， target 一啲平時食得好，但現在又無錢出街食飯，機票又貴嘅時候，選擇自己煮嘅人。
賣健康食品，窮就唔可以病，所以有得做，賭用一個買保健產品價錢去減少天價醫藥費用機會，同一道理，經濟差時，一街都係 Gym ， 個個都去行山，少咗 shopping 飯局酒局，操完嘢，食得 clean 早啲瞓，又一日。
興趣班在經濟唔好嘅時候也是可有可無，學一個新技能，學完可以搵食，係有 market 嘅，但係學完唔係為搵食，就變成一種娛樂節目。
4個讚
正苦係咁CUT學生資助但又叫人生仔 
我有個做運動GROUP,大家傾開而家成個group都無人跟健身教練啦,之前有幾個人夾埋跟一個跑步教練,上年都停左~ gym room仲有得做既,但係做教練就慘囉 
1個讚
話說我屋企附近屋村商場都係一個死場
宜家反而愈開愈多夾公仔/扭蛋鋪頭
勁誇張, 個商場係每邊出入口都會有扭蛋機響左近
香港人其實唔算多扭蛋,不過叫做成本低,放幾部機係度就得~
不過學樓上師兄咁講,玩具唔係必需品,經濟差時都唔會有得賺
NAMCO都越開越多
1個讚
話就話而家經濟差
但Chiikawa shop又一籌難求
d貨又賣到斷晒貨
好似平行時空咁
2個讚
口紅經濟呀,有班人以前買開H牌馬仔吊飾,而家就買隻POPMART公仔掛袋~
CHIIKAWA而家都唔駛食炒價啦,出得太多款,舊款全新既上網$50都收到
2個讚
NAMCO係分薄左冒險樂園既生意,自從傳聞冒險上市計劃攪唔掂之後,我就覺得佢無以前咁賺錢
在佢哋眼中細路只係韮菜。
之前見到好多人玩NAMCO
如果好多次都夾唔到，可以搵職員幫手，幫到幾乎包夾到咁滯
眼見好多人手上拎住唔只一隻公仔
1個讚
鋪頭見到掛喺度嘅Chiikawa公仔要起碼百幾
果d係咪炒價？
成日出新款，每隻百幾蚊咁儲都好甘
果D係正價,以前日版中古款炒到幾千蚊隻,而家無啦,而家大陸MINISO買左正版版權,大陸版只係幾十蚊隻,仲要大陸版手工唔差
1個讚
做到出曬臉啦,CUT福利第一時間CUT學生,
生仔送2萬又點,2萬用完之後點算?
由角落生物，我唔明點解一隻手掌咁大既公仔要過百蚊，唔明係點樣定呢個價出嚟。
Miniso買嚟送俾啲小朋友確實真係無咁肉赤，價錢上只少係買得落手。
我無返大陸所以無買過大陸版，但見過價錢係平香港一大半，知不過計埋車費，我覺得唔值得返大陸買。
大陸買MINISO/卡遊/好特賣既玩具都平過香港好多,連POPMART都係平過香港~
所以班新移民同專才點會留港消費呀
POPMART所有公仔都係核核突突，就算香港設計師設計個隻LABUBU我都咁話。如果唔係LABUBU咁多明星效應，POPMART啲公仔根本無咩人吼。
POPMART又係同MINISO，買咗好多日本動漫版權，推出一堆手辦糖膠公仔盲盒，但見到POPMART個種風格，幾鍾意都唔會有衝動去買。
卡遊更加唔洗講，氹小朋友開心，幾十蚊有一個BOXSET開卡。但開完啲卡立即變垃圾！
1個讚
呢D最主要係用黎賭,開到熱款就有賺~
卡牌都係同一道理,而家全球都炒緊POKEMON卡,香港流通緊既PSA卡幾百至幾千蚊一張~