我D朋友屋企大多係咁，各自各睇自己電話iPad等爲主，一齊睇電視變得好少好少！
小朋友瞓哂，我盡量都叫老公一齊睇一陣電視。
如果放假喺屋企，就算打機都叫細路用電視玩，唔好成日用iPad, 電話。
1個讚
每日都開一兩次短時間
1個讚
有開慣左屋企有聲, 晚上都會睇電視.
1個讚
日日食飯都開,可以睇YOUTUBE
1個讚
經常開，會睇netflix, disneyplus, youtube
5個讚
好少開，而且無接駁天線。睇youtube 多
1個讚
日日都開。
食飯就會開電視。
多數自己或同小朋友睇。
我老公唔睇電視，睇電話為主。
1個讚
會開，主要睇YouTube Netflix ，但係冇嘢睇都會開住有聲
1個讚
做女嘅時候一返屋企就開，慣咗有聲
嫁咗之後少睇咗，因為我老公唔睇電視
而家做咗媽咪幾乎冇開電視，但一星期總有3次，會開15分鐘俾我女睇
其實我都想睇電視，但冇天線駁盒子，成日彈app，搞到我都冇心機睇
雖然可以用電話app睇劇，但我好少咁做，我總覺得喺電視度睇，好睇好多
1個讚
以前放學番到屋企即開電視，因為屋企冇人，開咗有啲聲感覺安全D同有人氣D，時移世易已經冇哂呢啲習慣包阿女呢一代！
1個讚
係呀
同埋以前有好多啱小朋友睇嘅卡通片，而家冇乜卡通片睇
1個讚
有人喺廳會開，就算唔係認真睇YouTube，Netflix，篤住電話都會開啲片聽下
1個讚
電視機成日開睇 Y 2 / Netflix / 藍viu
1個讚
我小朋友細個鐘意peppa pig，pj mask，paw patrol，gabbby
有人話叮噹其實唔啱小朋友睇，又bully 又炫富
1個讚
妖收皮啦個啲雞蛋挑骨頭！
我早幾日先同小朋友分享以前係「點樣」睇電視
首先一定要識睇鐘
要留意幾點做咩節目準時開電視睇
仲有啲節目係1,3,4播A, 2,5播B，所以仲要留意今日係星期幾好老
3個讚
以前啲人單純d，只會在意有咩法寶
炫富bully都係大人加落去je，小朋友世界未必咁覺得
又咁睇，其實叮噹某程度都鼓勵緊小朋友發揮創意，諗吓可以創作d咩法寶
諗起細個第一樣學識睇報紙嘅就係節目表（出賣年齡系列）
而家d小朋友應該唔知咩叫節目表
同埋我覺得睇電視，唔同睇YouTube
睇電視冇得飛廣告，考下小朋友耐性，或者學下把握廣告時間去廁所、飲水
而家li代嘅小朋友係連一個廣告時間都唔等得，其實都幾慘
我小朋友大個咗成日話呢樣唔睇唔樣唔睇，我成日都話依家好幸福，以前邊有得揀
我諗大人都唔得，一廣告、唔啱睇即刻碌電話。
其實只係想回應下以前有卡通睇，依家無。
只不過大人角度你依家唔會再覺得卡通好睇，好似大人唔覺得玩具好玩。或者以前無咁多娛樂，歡樂今宵都覺得好睇㗎。