我丈夫那邊的親人是常見面回去老爺奶奶家吃飯。男長輩睇住我仔女出生及長大。他中年已婚，回家時他太太也在埸。他試過撥起我女兒（十六七歲）的長頭髮，前幾日拿我女兒胸口長頸鏈看（但沒有掂到她身體），又會拍她大腿問她長褲在那𥚃買。我見我女冇答，我代佢答（其實我想長輩知我睇住我女）
我個人覺得男長輩的不應和我女有太多身體接觸，但礙於對方是長輩，而且又未至於太過份，又有點覺得自己是否想太多，所以不知怎樣處理。大家可否給點意見？或者我應否教女兒撥開他手？
其實在此一兩年前，他曾拍我女兒屁股，當時女完穿短吊帶短牛仔褲，不性感。我剛行離女兒比較遠。比較近的奶奶和男長輩太太也在場，拍一聲，奶奶即時開口話男長輩做乜拍我女，話人地父母都唔會咁拍佢；男長輩太太也話他丈夫，說我女已經是少女。當時我聽到即望過去也很愕然，但見其他女性親人也為女兒出聲，我不便再多說。回家後我也有向丈夫反映長輩行為不妥當。
我應該怎樣教女兒保護自己又不回弄到場面太尷尬？
梗係唔得啦! 爆個男人啦,再係咁可以報警
首先教阿女避開佢！
直接講，阿x大個女㗎喇，你唔好咁樣掂佢！
或者，講笑咁話，嘩！做咩非禮我個女呀？！
正常人都會知難而退，佢再有下一次，唔排除會報警！長輩又點啫？
我有惗過同長輩個太太講
咁你老公態度係點？
如果係我，上次啪pat pat 已經爆咗，仲要叫埋老公表態
做爸爸既點都要保護個囡，佢唔識我連佢都爆埋
之後簡直唔再出席任何男長輩會出席既場合
不知所謂
首先要教女避開，習慣閃開呢個人，同呢個人保持距離
如果佢靠近就要即刻走人、彈開，搵你做擋箭牌
而你-當有呢個人出現時，就要同個女保持接觸！要求個女長期跟你身，在你左右；你都要長期keep your eyes on呢個男人既動向！
每當你見佢主動靠近你女時你就要攝入2人中間同對話！
如果佢坐你女隔離，你一定搵藉口調開佢哋！一定安排2公婆夾住個女坐！
總之每當有呢個人出現你同你女同你老公要進入「高度戒備狀態」！一定要叫你老公出聲！有啲男人淨係怕男人！
再有出現，我會叫我女缺席出現有呢個人既場合！
多謝大家意見
我同女傾，佢竟然唔覺得有問題。甚至答我佢唔記得有拍個屁股。我覺得佢性格好隱藏自己的感受。我問佢如果長輩摸我頭髮，拎我頸錬睇，佢覺得點，佢先答我咁係怪怪地。
我同女傾咗，始終幫手開飯、去廁所我會行開，我教佢要保護自己同拉開佢同長輩之間的距離，同埋要大反應D，差不多掂到佢要彈開話自己嚇一嚇。直接除條錬比佢睇。我以後都會儘量留意，坐近阿女，保護阿女。
另外我都教佢要提防異性，或者佢男同學會鍾意佢、想掂你示佢，但唔係等於呢樣野係好/應該接受佢的觸碰。第日大學/返工，媽媽唔會成日在身邊，佢要學識保護自己。
我都會開聲下令老公，長輩返來要坐近阿女，必要仲要出手出聲。
唔出奇，太細，未知道世途險惡！
我自己眼見不少年輕「傻女」係地鐵比人「high油」都唔知！真係激死我！！例如有啲老坑，係門口(明明入面有位)但人有少少多，佢唔郁，啲後生女會「打側身」攝過…但忘記手要放胸前!!!呢個時候，老坑就會郁一郁…成個胸掃左！死仆街！
我知因為作為女性我sense到好多，可能我個樣比夠「乖巧」，但我其實惡到仆街既，遇到呢個情況我會推9佢：搵手踭批9佢，而唔係攝過去！
如果十六七歲，真係要教佢好好保護自己呀
睇嚟你女都好純，竟然唔覺得li d行為唔舒服或有少少踩界
你冇多疑，係遲疑！
早啲覺唔妥就應該要開聲！
個女未識保護自己，阿媽就要保護佢！
同埋要教佢識保護自己，因為好多時出事係身邊所謂嘅親友做㗎！
咪心軟！
長輩又點呀，咁年長都唔識避忌，佢唔識就你同你老公提佢要避忌囉！
呢個男人非常有問題