//一名在香港取得碩士學位後投身外貿工作的內地女生，於小紅書上分享她「在香港工作越久，我越害怕香港」的心聲。她坦言，雖然香港的職場環境相對理想，文職畢業生起薪近兩萬，享有14天以上的年假，而且同事與老闆在下班後互不打擾，但巨大的孤獨感卻讓她難以承受。
她形容，每日下班後「香港房子太小，面對四面白牆，沒有朋友，沒有熟悉的人，那種死一樣的寂靜」，令她感到「活著唯一的意義就是打工，多賺點錢」。在人際關係方面，她覺得難以建立「真心的親密關係」，即使在交友軟體上遇到條件優秀的人，可以「談天說地，可以無限接近」，但始終無法確認關係，雙方「永遠離一紙婚書，差一光年的距離」。
此外，香港與內地之間的文化差異也讓她備感壓力。她坦言自己「不敢開口說的粵語，不敢拿出來的內地美食分享」，害怕多說一句話會被同事認為「沒有邊界感」。她其後在留言中補充，形容香港是「把人撕碎了」的城市，一邊是機械式的工作，另一邊是「永遠上不了岸的親密關係」，像「參雜著玻璃的糖，放進嘴巴都是血，吞下肚都是淚」。//
作為 i 人的我表示，這種生活方式啱哂。
唔係好事嚟嘅咩？
幾多人恨都恨唔到
對佢地梗係唔好啦，無機會做小三或情婦。
冇朋友係人既問題姐
“另一邊是「永遠上不了岸的親密關係」，像「參雜著玻璃的糖，放進嘴巴都是血，吞下肚都是淚」”
對不起, 我很憎看星島頭條, 隻隻字我都識, 但都看不明牠想說什麼.
笑左，真係冇唸過
佢哋乜嘢都誇張晒啲感情嚟講，香港人實事求是，點會夾到？
佢哋啲千字八股文係好難明。
返工係揾錢唔係來交友。
佢哋要攪人脈，工餘飯局一定有，無人脈網絡佢哋會好不安。
香港人天生有條邊界線，有社交矩離，唔係咁熟唔想咁熟，就自發地說話點到即止，再問私人嘢就一定俾人問候全家，關你撚事。
佢哋就慣咗群體活動，一個人就無哂自信，人多就聲大大。
係咪睇得言情小說多？好骨痺
最憎佢哋第一句就問你結婚未；第三句就問你幾錢人工
同意… 況且職場唔係用嚟交友, 開工時有team spirit 肯合作已經謝恩, 仲要放工交心 
諗多咗啦..
佢哋好鐘意拿高肚皮俾人睇, 例如, 入息, 仔女讀咩, 伴侶做咩 等等… 仲要好驚你唔知…
寫得好作狀,似作文
返上去搵對象，唔好留低係香港，香港唔啱你
可能自己都經歷過移民，我理解個種疏離感，但亦唔會強求融入做本地人。一切順其自然，搵到自己個comfort spot/zone就ok。
小學功課有樣嘢叫擴張句子，佢哋係在呢方便係好勁，通常就放完長假前，佢哋就會講 「抓緊假期的尾巴」。
香港人講嘢就會一針見血，無咁多花臣。
呢個女子明明咁寂寞，後生女有心搵拖友搵人陪，點會無機會？“永遠上不了岸”，即係做緊人小三，情婦，定係SP？
佢咁寂寞，應該有個正常人肯同佢結婚，佢應該火速“上岸”啦。“永遠上不了岸”即係對方唔肯同佢結婚啦……
呢啲咁的文章，明顯就是自尋煩惱，無病呻吟。又或者是釣魚文章，想釣金龜之類啦….內地女子好進取架，想要有男人，點會無辦法 …..
咁辛苦，點解唔返歸呢？
無人迫佢留低受「苦」喎..
