自從疫情減少人手之後，依家多返人出街食，但冇請返人…啲碗碗碟碟食完冇人執…
定係想慳返啲人工錢去交租？
佢諗住啲客可以忍耐下？
1個讚
有時請得多人都無用,我去過一間請左幾個人,有大陸有HK人,HK人唔願做咁,大陸人就慢手腳,落單唔識聽廣東話 
而家侍應真係好高人工,我覺得係太高(唔好打我呀)
我自己十幾歲時出黎做野,當年做過幾份侍應都係5000至6000蚊(當年仲要係好多人出街食飯),而家$14000真係好多
1個讚
我十幾歲出黎做野時, 時薪都係得十幾蚊, 我明你。
但呢十幾廿年黎, 生活上所有野都通脹緊, 如果唔係住公屋, 扣左住屋開支, 宜家萬幾蚊人工都唔係真係咁好使
仲有鋪租添….但間鋪十機張枱，得兩個侍應…啲侍應要做埋收錢又要冲嘢飲，其他食客食完啲嘢根本連收都冇時間…其實係好過份
而家D野係貴過以前,不過以前既人真係無咁高物欲,而家又夾公仔又買POPMART又IPHONE17
如果無水巴,咁要3個人先夠,可能有1個請左假?如果唔爆場就2個人都做到
或者係福利太好, 無咁多錢不如領綜援, 失業率3.7%餐飲業係當中既重災區
食lunch我寧願買M記/兩餸飯返屋企食,一定要係街食,我多數揀壽司郎
餐飲多左請外勞,以前會請老人既,而家除非係政府補貼請老人(早幾年有,而家唔知仲有無),如果唔係唔請啦
香港唔係間間餐廳好似呢位黃生所講咁好優質服務,昨天同老公外出見到一間”遇見小面”,雖則係國內食店,但食物質量及服務態度比好多高級餐廳仲要好.小小店面目測都5個服務員,廚房都睇到有5位(包括洗碗),外面那些餐廳有些大大店舖服務員仲比佢少人,做到店員死下死下仲點會有優質服務態度示人.
雖然唔健康但只少係食得落肚。
前排食一間唔知咩鬼日式快餐店，真係食完唔會有下次。唔係服務唔好，而係食物唔得，個樽唔知咩鬼酸薑係有浸UP臭味。
所以連鎖餐廳手機數碼落單 及收銀，
侍應而家主要只係傳菜 及 收碟。
慳返好多人手，但又要俾多啲錢買電子設備，
有D餐廳咩都自助,但要收加一 
可能加薑時就咁加上面,舊既唔清走,放到變左無人理………..
我後生時做日本餐廳,換豉油真係會倒走舊果D先,而家餐廳唔會理啦…..
呢個勁搵笨。
自己落單仲要俾加一服務。咁我不如搵番個侍應落單。
1個讚
電子設備有限錢。請人要管理，人始終有情緒，又會有缺勤，電子設備起碼唔會投訴扭計 （正常運作的時候）
作為顧客，當然是希望有真人貼身服務啦。不過銀行、網站都越來越多AI 客服，餐廳越來越自動化，大勢所趨
1個讚
對於係啲茶餐廳，我覺得最方便都係人手落單，舉下隻手講兩句就得。
自己落單，遇過主要問題，環境收唔到訊號load十世都入唔到去。入到點餐搵唔到餐牌所講嘅食物，或有個人特別要求手機無呢項選擇，最後都係搵番員工人手落單。
之不過，對有社恐嘅人，手機落單最適合佢地。
1個讚