政府門診係唔係要一早book 先book到?
有無話咩時間通常會易book d?
大家有無經驗可以分享?
HAGO同人鬥快搶位。
每個小時會更新一次。
你唔介意要去其他地區睇門診，機會又會多少少。
一定要用Ha go
係每個時段(早0900，午1400，晚1800)開始嘅時候即刻入去book 24小時後嘅時段
即刻知有冇位同邊間仲有位
夜診聽講易排啲，你可以去遠啲嘅話長洲嗰啲好少人
我通常都朝早搭正book, 好似易d
11月起keep 起3成門診籌給某些無份交稅的人, 所以更難卜; 換言之有份交稅無份享用
裝個HA go app啦, 可以用喺個app book
我試過即日都book到
原來預約唔一定要打電話先得?
咁可以試下教阿爸book, 睇佢下次自己book 唔book到
如果你果區有賽馬會普通科診所，通常都有夜診易 Book 好多，日頭健康院普通科極難 Book 到
個app 好簡單, 佢應該識既, 仲可以睇埋預約左既期, 又可以交埋費, 好方便
萬一佢真係唔識用, 你可以都裝個APP 幫佢預約
Ha Go真係算係政府app入面最有用最好用嗰個
可以book門診，睇預約，比錢，排攞藥，開藥紀錄，出入院紀錄 等等
最好係可以加其他人做被照顧者
(最多10個，唔使一定係屋企人，可以互相做照顧者)
照顧者可以睇到被照顧者嘅紀錄+幫佢預約嗰啲
朋友話佢屋企嘅老人家急症室入院
佢可以即時睇到係邊間醫院，見左醫生未，上左房未+邊個病房
好有用
1個讚
其中有用就係轉介專科排期登記，以往普通科或其他專科醫生，寫轉介信俾你要跨區發記排期，要親身或寫授權信，去果區醫院專科登記處登記，費時、來回車錢、加上如果病人親身去，如果病人已經唔舒服，仲要裹赴跨區去其他醫院專科，真係幾折磨。依家用 HA GO 向張轉介信，掃瞄 QR code 就得方便好多。
去專科登記俾錢又唔洗排隊，用 HA GO 俾診金及藥費就可以，仲更新發展到藥單都唔需要遞窗口，排隊易就自動顯示籌號，可以行開下去食下嘢，見籌號到自己先返去拎
最有用就係電子繳費，俾完錢預番個時間去門診，唔洗去到排隊俾錢無了期等待。
其他功能都係一般，尤其門診預約，我試過預約咗成個星期都無位。
自從 HA GO app 功能較完善之後，聽聞普通科預約電話，係打得通但永遠冇人接，就算接或你親身去登記都唔得，一定要用 app 預約。好多老人家唔識用 app、又冇後生幫佢就慘了