我由全民造星 I 開始睇，依加第六季，覺得今季嘅靚仔太少，跳舞又麻麻，我諗我老啦，追唔上後生仔女既品味
Viu根本係為做而做，選完出嚟又唔俾資源訓練，所以點解初代成員仲係唱歌唔掂，跳舞又甩皮甩骨，最慘佢哋覺得以為上得大台，所以咪俾人笑囉
1個讚
香港始終人少，攪多幾季靚仔或有實力都會買少見少。
仲有好多發明星夢，想靠呢條路入去娛樂圈，希望自己會係下一個姜壽2.0。有需求仲有人睇，咁呢啲節目自然會繼續做。
2個讚
我都好擔心佢哋係mama既表現, 韓團接受長期訓練,無比較無傷害, 一上台就見真章.
1個讚
叫做有個平台比年輕人咁
在外地 SAMSUNG showroom, 有個超大電視機試玩，我㩒左 Mirror 既MV睇，同場有幾位外國少女都有欣賞眼神留心睇
其實都出咗幾多新血，Mirror，Error，Collar，Rover，Pixel, MC，Cloud，Ben，Taco，羅樂，細貓，Ariel 入咗國際組合Now United, Carmen 去左tvb，Mike 終於逃出環球去英皇，仲有其他 ; 近日最出名當然係酒粒仔jpex.
但係我有個FD幾靚仔本身都有作歌唱歌,仲有人搵佢拍野架,不過佢一直無簽任何公司,佢上年去IN造星,竟然連初賽都唔入圍……
真係唔知而家入圍標準係咩……
我覺得viu捧出嚟嘅都應該要好好培訓，難得有班後生嘅有返啲人氣，睇到四個唱嗰首入樽主題曲，佢哋連唱歌嘅基本 - “用氣“都唔識，所以edan，教主一唱好似冇晒力，音準又有問題，反而Jeremy係算穩定，最致命其實係揀錯歌
如果兩三年先一次，可能好啲
千幾人海選，真係要唔怕醜突出自己，先可以吸到評判眼球
近年叫多人識嘅我諗有一半都係造星出身
2個讚
其實佢有拍過VIU既野,不過唔知係咪因為咁梗加唔俾佢入圍…….
佢自己當年都錯過左機會,當年VIU有話過想同佢簽合約,佢拒絕左,因為佢當時自己接JOB接好多,佢覺得唔需要簽公司
你朋友係上屆（V）面試，有海外參賽者，可能viutv想要啲另類本地參賽者平行返，個節目先好睇
viu根本係短線投資,希望係最短時間賺取最多金錢. 佢哋基本功未得, 出左道無時間接受訓練.
如果無睇開韓團,可能還覺得可以接受, 但只要有追韓團( 因我唔識唱歌,所以就不評論唱功了),就會發覺佢哋無爆炸力,咬字不清(唔睇字幕有時真係唔知佢哋唱緊乜),面部表情管理不夠.
唉! 唔係唔想支持,但…….一言難盡.
1個讚
同意….好似港姐咁..邊有咁多有質素嘅女人呀, 依家更加係腥講淫佔大多數…. 造星6已將年齡降到16…都無邊幾位係比較出眾….
2個讚
韓團呢方面真係做得好好
香港好多一郁就控制唔到表情,影硬照逐張影仲ok,連拍已經做唔好
佢真係錯過左好多機會,viu之前其實有個fd想幫佢做youtuber,早幾年前拍左2條片反應好好,但佢無堅持落去,佢成日只係諗當時有job有錢賺就得…………
係非常引人入勝 
仲有跳舞既力量及齊整非常吸睛.
香港男團仍需努力, 爛公司不配合,團員就需要有好強既鬥心、決心及團結去自己求進步.
1個讚
因為基本功唔得,顧此失彼. 其實無捷徑,都係靠不斷練習.
請原諒我咁講, 韓團係要經過好多年既練習生生涯,仲要唔一定出到道,成功出道就會好珍惜機會,會不斷求進步,否則好快被淘汰.
但香港既因著天時地理人和,紅得太快, 如果太容易滿足,便難有進步.
2個讚