【公立醫院明年1.1起 遺體存放改為收費】
醫院管理局在上周五(10月31日)公布「優化醫療費用減免機制下的申請安排」，當中包括調整部分醫院行政費用，根據醫管局新收費安排，遺體存入後首三日豁免，第4日起每日收費100元，第18日起升至每日200元，第34日增至每日550元。有從事殯儀業界的網民指，現時火化排期逼爆，先人一般需存放醫院殮房三至四星期，整體喪禮開支或因新政策上升，料額外負擔四位數費用。
網民熱議新收費，有人形容「如自提點收費模式」，過期計罰款。不少人指現實情況下，三日內完成所有出殯手續幾乎不可能，因相關文件及火化期安排常遇假期和人手問題，收費期內難以趕及。
對於政策實施後家屬如何減輕負擔，部分網民提出將遺體轉往公眾殮房以避免收費，但殯儀業界指出，僅非自然死亡個案才會送往公眾殮房，絕大部分院內遺體並不適用。
啦，香港有兩樣攪笑嘅嘢
想盡辦法搶錢
快啲整番個安樂死，收多筆啦，又可以慳支出。
走數班仆街又唔敢追佢哋數，單就要香港人埋
我老咗可唔可以申請喺屋企死，唔去醫院…
走數嗰班必然係屎仆街架啦…. 諗收死人錢嗰班都係仆街…. 腥講真係荒謬到極點
可以,但都要你屋企人同意,唔係人人都可以接受有人在家過身.
我反而唔想係屋企走,我怕家人有陰影.
喺屋企死後應該都係要被運去殮房？
應該要
以我所知如果事前經醫生簽字，准許回家寧養的話，在家過份可不必報警，通知醫生上門檢查、及簽發死亡證明後，家屬即可安排殯葬、在家進行出殮各項儀式，直接用殯儀車運到火葬場
可參考短片 ↓
咁係咪個過程好快？因為屋企冇可能keep到個遺體咁耐（未睇片）
我個馬來西亞朋友話我知佢哋冇醫院殮房呢樣嘢，通常人走後即刻搵殯儀公司（佢哋長駐醫院門口）佢哋會幫你keep ; 有啲大家庭要揀殯儀公司，睇下邊間儀式禮節做得好，所以遺體會先拎返屋企先，醫院會比啲乾冰家屬
真係唔講都唔知同香港咁唔同
另外原來大陸同台灣一向都有收費，今次係咪我哋偉大政府向佢哋取經呀？
但只得三日免費係有心掠水，香港殯儀業相信吞吐量做唔切，會有可能辦帛事時唔周全，會令家屬唔開心心理有遺憾。因早前網上有人呻訴過，懷疑幫佢屋企搞帛事間殯儀，臨時當日接咗兩單生意做。原來定當日早上原本擇好、吉時約九點前回殯儀館。
火葬前一晚殯儀館接待親友、前來致祭後八點前散。第二朝早本身約咗九點，送去火葬場火化。點知第二日一早五點打俾佢，要佢一家清晨六點到殯儀館，滾水淥腳咁一小時內、辦完出殯小儀式，八點幾未到九點就到火葬場，渣渣淋火葬完未到十點就收工散，當事人訂咗纓紅宴12點，佢地連送先人火化親友，當堂呆哂唔知兩個鐘點算好?!
我意思係將來都會可能出現，殯儀唔會當日專心做一家做帛事，可能連接兩個 ORDER 或更多。情況猶如設計公司或裝修佬，應承你兩個月交貨，但間中開工間中成日唔見人。原因就係接你裝修之後、期間亦接左好多其他工程，分身不瑕自然工程完工拖延及拿西
主因係香港要排火葬耐, 就算冇要求, 離島爐都去, 都要幾日。況且死亡證都要幾日啦, 私家就可以即日。
幾年前屋企白事, 我地有晒經驗, 慳返周圍格價嘅時間, 即刻聯絡agent醫院直出, 都要等2星期先排到爐
補充, 要死亡證先可以去排爐(好似係), 死亡證比你第二日就出好未, 個爐都要等幾日, 3日免費根本HA食硬你點都要擺超過3日
唔夠快喎, 應該學韓國, 睇韓劇好似醫院有埋殯儀館? 即日出都得呀.
如果條屍夜晚11點幾入雪櫃，幾分鐘就第二日，咁係咪蝕咗一日？
跟住又撞正紅假，個死亡証又要等多一日。
我估實行後，會多左人係星期一去世，少左人係星期四五六日紅日去世，明明可以拔喉都要等日子
亡國果邊有人話、逢政府乜嘢政策都全力支持，就上次垃圾徵費大部份人反對、政府就收回政策。今次殮房收費又係全部反對，連好多深藍論壇、及臉書都一致反對，估計今次又可能收回措施 ? 我覺得短期內咁多大新聞、引發一波又一波輿論，加上 JPEX 突然高調拉人落案，莫非又係刻意轉移視線 … 某單國際大事? 
