我承認自己真係一個冇手尾的人。冇記性做做下嘢會因為叉開做其他野，唔記得做完D嘢
屋企習慣門外除鞋入屋。今晚出去食飯，剛剛入屋因除鞋甩咗隻襪，後面又有其他家人除緊，我就執起襪掉入廁所洗衣籃。然後佢地入屋關了門，我就漏咗對鞋在門外。
冲完涼後，我老公話我成日唔執返對鞋入去。我話係喎，我甩咗隻襪又見你地在企在後面除緊，走咗去廁所，唔記得咗，就行去開門執返。我去緊執時佢話我多藉口，話佢係隔離屋會好憎我呢D人。我聽到好反感，答佢我又唔係做了乜十惡不赦大事，你話我我咪已經即刻去執，你憎咪憎囉，如果我隔離屋係咁我唔會憎佢。
鞋已執，但心情好差，我仲好嬲。因為咁小事都比人憎。好似被人用言語刮一巴咁。好想同呢個憎我的人斷絕關係保持距離。或者幾時我可以好留心佢D衰嘢，然後同佢講我好「憎」佢，等佢體驗一下被人「憎」。
其實我地平時關係唔係太差，過兩日仲去旅行。但我真係覺得自己係咪衰到一個點、咁十惡不赦要比人憎？我係咪咁應該比人憎？我係咪唔識做人，講咁多「藉口」？