兩部機用左一個月就壞左（一部自己發熱，一部照明燈唔著），send 去維修中心，當日想借機又冇得借。
三個星期都未confirm倒幾時整好，我每星期追問公司進度，個staff又問我要唔要借機…
我見唔少人推薦，好失望，好在本身有一部youha，係因為想方便d先買b&h免提。
開頭想借機又話冇，如果本身得一部機就gg, 被迫收奶。可能我唔好彩掛…. 大家想買b&h 要慎重考慮！
我之前好似都有喺度post過，我嗰時都係買左b&h, 拆盒後發現裝主機個紙盒係爛晒，咁正常全新機出廠，入面個紙盒冇理由會爛，除非有人開過箱攞過出嚟… 我懷疑唔係新機，搵CS, 佢有安排速遞上門幫我換機嘅，但換咗另一部返嚟，我試機時條泵管有一邊插唔到入主機，會彈返出嚟，我望真d, 嗰個插口入面個膠圈係移左位陷左一半入去，所以佢啜唔實條管，我又問CS, 佢地話係我唔識用部機，同埋話係我整甩個膠圈，仲話換機前拍晒片畀我睇過冇問題，我即刻再睇過條片，好彩咁啱有個鏡頭真係影到嗰個插口本身個膠圈已經陷左入去，證明唔係我整爛嘅，但佢地已經係唔想聽我講嘢咁，態度好差，淨係話我想再換機就要自己上去佢地荔枝角間鋪度換，但佢地又唔係一定有人喺度，要預先約，我過左一排打去想約個時間，問佢地opening hours, 聽電話嗰個唔知點解態度勁差問我咩事要上去，好似唔係打開門做生意咁嘅，聽到我話要上嚟換機態度更差，又話唔係佢負責，要搵另一個同事…
講完一輪，我大住個肚上去換機，所謂鋪頭只係好似工廈入面好細規模嘅母嬰用品店咁，亦唔見有sales/負責人喺度，只係安排左個"師傅"嚟招呼我，我都再一次說明部機有咩問題，冇可能係我整壞，然後換過另一部機我就走，其實都已經無法證實究竟係全新機，定係租過出去畀人(聽你講你兩部主機都咁快壞，就進一步證明佢地係會將本身租借出去嘅舊機當新機賣畀人), 但話晒都買左千幾蚊，佢地又唔會退錢，當時都係但求攞到部正常用到嘅返去就算…
結果，我生左之後開始用，部主機冇問題喇，但兩個奶樽用左幾次，兩個奶咀圈就開始扭唔實落個奶樽度，我真係冇諗過可以咁樣，有咩原因可以咁樣… 扭唔實，我泵奶時要靠人手hold實，一鬆手兩個奶樽就會身首異處，就會倒晒d奶出嚟… 我再搵CS, 當然佢地都係將個責任推落我度，仲話我用錯方法消毒，話唔可以用滾水淥，大佬咩年代呀，我係用消毒機架，如果你話你set奶泵連入消毒機都會熱到變形，咁係你有問題定我有問題呢？之後佢地都冇再回覆跟進，我最後都係買過部youha嚟用… 本身聽人講youha好大力會整到好痛，嗰時係睇到有條試機片試左好多牌子然後力讚b&h有石頭胸功能就算塞奶都可以通返，我先貴d都買b&h, 後來諗返嗰條片應該係佢地自己做媒拍…