可能個人性格, 我同老公拍拖時剛剛滿33歲, 但我從冇諗過閃婚, 可能亦因為我對生bb 冇咩所謂。當時係想拍幾年拖，真係適合先結婚。我拍拖時都係食避孕藥, 確保唔會意外懷孕，我性格係好小心謹慎。但到35歲開始, 唔知點解好想生bb, 於是有d 後悔當時冇快d 結，亦有d後悔當時點解唔未婚懷孕跟住直接結婚….始終30頭易懷孕好多
我有個frd 拍左半年拖就派帖, 結婚時岩岩拍左1年拖, 佢派帖時我都嚇一驚!
我亦識人拍拖3個月就籌備婚禮, 結婚1個月後就有左BB , 即係拍拖1年就生左BB ! 佢拍拖時36歲, 可能佢急生BB 所以結婚啦, 我冇詳細問
我都識親戚拍拖幾星期後有左bb, 跟住結婚。不過佢地冇咩感情基礎，如果唔係有bb，一早分左手
雖然閃婚既婚姻都可以好幸福, 而我都識Frd拍拖７年後結婚，結婚１年後就離婚。
但我同時都諗，閃婚（尤其係閃婚後有BB），場賭博會唔會太大? 因為拍拖頭2年都仲係蜜月期, 結婚時都未過蜜月期, 即係未經歷過磨合&爭吵，唔太了解對方就結婚 
…..如果有埋BB, 離婚後更難搵找第2個。定係覺得還掂都要磨合, 結婚後先磨合都未遲?
(離題一下)我覺得你同老公如果都想生BB, 就盡快努力, 的確年紀愈大愈不利女性生育。如果一年都唔得就好睇醫生檢查下。
我都識得有人係, 拍左拖半年即訂婚, 都係岩岩拍拖一年就簽紙結婚。但我覺得有種為結而結既感覺, 同埋婚後唔夠三個月已經炒大鑊, 女既嘈到自己走番外家。(同當事人唔熟, 詳情為乜唔知)
但係閃婚都有成功既, 萬綺雯都係閃婚, 到宜家仲好好呀
以前拍拖時, 性行為係好順暢, 但到停左藥想有BB , 排卵期時老公就一係病左, 一係就生活壓力大, 連有性行為都難. 所以先有D 後悔點解以前咁謹慎避孕, 如果以前有左BB 就好 …..
諗起大S 離婚時,我Best frd 話佢已經算超額完成, 見2次就結婚但都維持到10年
夠愛結婚後先磨合冇問題呀
主要係三觀同對未來共同規劃有一個明確方向
舊朋友本身都係戀愛大過天嘅人，之前仲出嚟反國教，後來識咗個男仔，介紹俾我哋識時都正正常常，3個月左右已閃婚，2019 見到佢老公紅到黑，後來呢個舊朋友block 哂我哋嘅social media 同聯絡。
萬綺雯同陳十三好似本身係識咗10年以上嘅朋友
當小妹仲係年輕嘅時候同一位男子已到談婚論嫁嘅階段，識咗一年半左右啦。之前佢買晒機票訂晒酒店去香港拜會我家人。但後尾好彩臨飛香港之前一個月佢悔婚。如果唔係日子真係唔知點樣過真係不堪設想
嗰個人係我喺外地工作識嘅，咁佢係有馬來西亞印度加中國血統嘅靚仔。但係識咗冇耐就發現佢脾氣好大，又會打我打到我入醫院喺塊面上聯針。其實佢個罪行係罪無可恕啦，但係唔知當時就係點解好似中咗邪咁樣。
唔知係我好彩定係另外一名女子唔好彩啦，原來佢暗地裏識咗一名馬拉𡃁模跟住就同我好快咁分咗手啦。
過咗七八年之後佢個妹話返俾我知話佢同個靚妹離咗婚，仲捉咗佢去坐監因為家暴。
大快人心，完