（切勿上報或任何媒體/改字轉載）
上星期同人去快餐店食下午茶，對方係咁問我食咩，我話諗一諗先，我未睇完佢又問，我話未睇完咁你呢？佢話未睇完，咁我諗好左，話我諗好喇（意思係大家諗好就一齊排隊買），佢問我食咩，我講左，咁我問返佢，佢話排隊先再諗諗，仲係咁叫我排先，我同個收銀員講完我食咩準備比錢，佢突然直接對住個收銀講：呢個餐加X蚊係咪有個麵？想加X元要個麵!
我心諗咁都得？你係我個餐加錢買嘢唔係應該同我講聲先？佢係直接同個收銀員講，扮係即時諗到，其實佢由問我食咩之前已經打算係咁！
有咩問題？
所有下午茶茶餐+10元有個麵，佢係咁問我食咩，又叫我排隊先，佢排我後面，一直唔出聲，到我落完單佢直接用我個餐加10元買個麵，佢用我個餐買平嘢，唔係應該同我講一句，我可唔可以用你個餐加個麵？而唔係死chur 人問食咩，又叫我排佢前面，好似坤人入局，最後攞jetso時當我唔存在
2個讚
你朋友好老土 
作為朋友我唔介意幫對方慳錢, 當樓主講左想食乜時, 朋友直接話可唔可以用你個餐加麵, 我唔信樓主會say no, 係佢後面排住隊時, 到樓主叫餐先出聲, 你又唔可以話佢錯, 但就失禮囉
4個讚
我成日覺得，做得出咁古怪又慳到咁樣嘅人
我會係可憐佢，唔會嬲佢。
因為正常人都唔會咁做，咁佢唔正常，而我作為一個正常人，我係唔會怪佢
其實樓主咁小事，都打一篇文出嚟講，都唔正常得去邊
不過Anyway，香港人都冇乜正常㗎啦，Same Here
我有個FD之前又係成日用呢D陰招拎著數,例如買3件衫平D,佢主動叫我夾單,但佢就堅持只買1件,係都要我買2件(我本身係陪佢買,我唔係好想要),而家好少一齊玩啦
樓主開個話題都好呀,我又可以分享下我識既貪小便宜既人
係失禮既,不過如果有主動俾返錢就算~我見識過有D女人係等人俾左錢先,以後側側膊走數 
即係你同呢個朋友唔熟，而佢嘅做法你又有異議，即係可以BYEBYE無下次。