好多嫁醫生嘅明星都係40歲or above，唔通因為佢哋呢個年紀搵唔到富二代，但又睇唔起普通人，所以醫生係最好嘅選擇？
我覺得有樣嘢好有趣，我好少見大學學歷嘅男仔，甚至專業人士，同F.5 畢業嘅女仔拍拖結婚。但最近嫁醫生嘅明星有啲係F.5 畢業（衛詩雅，胡定欣），我見唔少男仔擇偶都擇學歷/背景相近，容易溝通。咁難道當果個女仔係明星，學歷/背景差距就會消失，冇溝通問題？
同埋，多數入娛樂圈嘅女仔唔多唔少都有啲貪慕虛榮，純品乖女嘅唔多，而醫生就通常都係由細到大勤力讀書嘅乖乖仔，好似大纜都扯唔埋
純粹好奇討論，絕無歧視成分
呢幾年好多嫁醫生嘅女明星都係由bob做媒人,
女明星覺得想結婚, 富豪唔會揀佢地, 中產來講醫生一定最穩陣, 亦唔失禮, 我唔係講嫁其他職業失禮, 而係呢個圈子就係咁,
女方(男方都係)想結婚自然比到自己最好一面出來, 某程度亦因為醫生相對乖仔, 唔會諗咁多, 所以一拍即合
會唔會又有可能個女仔見太多複雜嘢，嫁醫生簡單啲純品啲，而醫生又唔係太老土冇話一定要生仔咁？我仲諗到朱慧敏
我記得朱慧敏係一個訪問講過，話陳醫生好少睇娛樂新聞，佢亦有同陳醫生講過下自己以前啲桃色新聞，而醫生反應係「好似有啲印象」，實際上唔係好知
以前嫁醫生嘅女明星，我淨係諗到一個：何志平老婆胡慧中
以前女明星通常都嫁金融才俊 or 富二代 or 男明星，係呢幾年紛紛嫁醫生
好似大學揀科咁，以前尖子最熱門揀商科，而家經濟差就最熱門揀醫科
反面唔覺眼女明星嫁到富二代, 徐子淇, 吳婉芳, 李嘉欣, 黎瑞恩, 羅霖, 黎姿, 邱淑貞,
近年嫁到富二代我只諗起林峰前女朋友(真係唔記得叫咩名),
不過近年嫁醫生的確係多左, 其實嫁個有學識專業中產仲好, 一方面雙方都唔怕冇錢, 另一方面家庭簡單好多
官恩娜, 朱千雪, 陳煒, 鍾嘉欣你當嫁醫護, 年代久遠少少趙雅芝前夫都係醫生,
香港醫生太忙, 唔得閒理花邊新聞
金融才俊相對醫生多應酬, 點都會知花邊野, 而且我成日覺得金融才俊只係好聽D嘅基金佬, 隨時出事要女星出錢救
吳千語
佢算係奇葩
咁我都認同醫生最大嘅優點係：家庭冇豪門咁複雜
雖然錢冇豪門咁多，但除非要過好奢華嘅生活，私家醫生5百萬至千萬年薪，基本上需要嘅物質享受都會有
我成日覺得當物質享受達到某一個地步，自由係最緊要
係
佢似係鋪排咗好耐，處心積慮要嫁入豪門
好多女明星感情史都好豐富，但醫生唔睇娛樂新聞，所以搵醫生結婚就最啱
啱啱胡定欣結婚，睇新聞先知原來佢淨係娛樂圈都拍過6次拖，唔知佢入行前拍過幾多次，但保守估計咪即係total拍過最少7-8次拖
！雖然好多女明星都係咁，但比起普通女仔真係算好多！可能因為我識開都係讀書嘅乖女，就算靚女嗰啲，都唔會拍過咁多次拖
Yes，都啱
而且有錢到某一個點, 錢都只係一個數字, 生活質素唔會差好遠, 除非好要面, 目標係四大家族就無計啦, 但呢個級數又點會咁易娶你。
嫁醫生起碼簡簡單單唔憂生活, 女明星隨時唔拍戲都得
淨係個奶奶已經估計冇豪門嘅奶奶咁煩先啦
咁佢都要有呢個能耐先嫁得到, 大把女明星背景比佢好都嫁唔到豪門, 所以我先話吳千語係奇葩
吳千語好似已經係最近期嫁入豪門嘅女明星？
近年嫁入豪門好似真係難咗好多
janice man老公聽講富二代金融才俊, 兩個title有齊
胡定欣老友黃智雯嫁大公司高層, 何依婷嫁專業人士, 暫時都係嫁返比專業中產為主
調返轉，點解醫生咁易娶女明星？
我諗到嘅原因係帶出嚟有面，靚過一般人，搵到錢
但其實醫生大把選擇，外貌中上+家境好+學歷高+擁有專業人士嘅收入+感情經歷較簡單嘅女仔，都任佢哋揀啦
醫學院男女比例而家都1:1, 自己同學仲同聲同氣,
所以我一直覺得bob係呢幾年最大媒人