未經歷過以前溫黛既年代
家住普通屋苑，唔算颱風災區
最勁一次係山竹，全屋關晒窗，啲雨都仲係可以係窗隙吹入黎，吹到濕晒，又驚隻𥦬爆。
最後上網搵，sip個膠袋先關𥦬，就可以防止入水。
喺機場番工，唔記得山竹定天鴿，好似零晨落波，然後我要番早，冇哂交通，喺條街行咗成個鐘先有的士截到，啲路俾啲冧樹封哂，司機要不停兜小路，中途仲有支樹枝跌落車前，好彩司機煞到車，仲要同司機一齊搬走支樹枝，成個鐘先由旺角入到機場。
1個讚
我屋苑上演水舞間
暴露年齡系列，
溫黛嗰陣時我幼稚園，水浸到全體師生走咗去隔離座大廈避難，我仲記得我爹揹我返去嗰時，水浸到佢腰位。
嘩好深水，好彩有爸爸
2個讚
打完風第一日一地都係樹，完全行唔到去車站返工。
1個讚
今次要試下先
打風返工真係好危險
窗邊入水係因為條膠條老化咗，要換，而因為咁而整濕屋企財物，可以索償家居保嘅
颱風只會越嚟越強，因為海面溫度上昇，香港算係福地啦，好多風都俾台灣，菲律賓頂咗一嘢先嚟，但世事好公平嘅，偏偏台灣同菲律賓中間有條空隙，個風有機會directly嚟香港，而呢類嘅風一定好強，多年前睇個一個美國節目，分析香港颱風，當中就提到呢類情況係最嚴重嘅
對於住緊舊樓嘅，我覺得唔需要擔心嘅，反而現時香港新樓係積木屋，工程大多用大陸公司，真係睇下今次有咩情況出現，又睇下政府點應對啦
另外，提提大家，貼膠紙係窗度其實係無實際幫助，爆嘅始終都爆
新樓大落地玻璃好得人驚.
貼左膠紙係咪純粹防止破裂後被碎片割傷?
無咁碎？
係..無咁碎, 但要爆一定爆…. 真心希望呢個風唔會對香港造成任何傷亡(除咗9觀)…. 其他財物損失都係身外物…
1個讚
我都記得, 出地鐵站要行一段天橋先番到工, 天橋有d 燈係吹到爛左
山竹第二日杏花村商場浸完水停電
lunch咩都冇得買
好彩地鐵閘外舖位有電，美心有開
但係麵包切餅全部售罄
見有一車貨到 但係全部都係卷蛋
最終三個人分左一條卷蛋
山竹
住中層, 棟樓比啲風吹到搖來搖去,係屋企覺得自己坐緊過山車,想嘔咁滯.驚足幾個鐘
跟住同日聽到 “啪” 一聲, 之後問番管理處先知對上唔知邊個單位爆玻璃,所以咁大聲.
過左兩日再聽啲看更姨姨講個風成個屋苑有1x個單位爆玻璃
山竹剛剛落咗八號風球，見天氣情況都可以，
因為網傳影片 餐廳被山竹徹底摧毀，好奇心驅使，去鯉景灣睇吓。
主角餐廳當然睇到，
沿途大廈某些單位，窗口玻璃已經爛晒，有唔少用 床板 及 床褥 擋住爛咗的窗，防止颱風進一步破壞單位， 情況好嚴重，有幾十間咁多⋯⋯
記得某年有颱風吹到紅磡海濱廣場兩座商業大廈爆玻璃，啲文件吹到一街覩係，空中亂飛。
唔記得邊個風，但是十號風球，住喺41樓（頂樓）既我感覺到座樓喺度搖，應該是2008年。
之後唔敢再住高層。
山竹個時住頂樓，層樓夠札實無搖但係風打埋黎都感覺震。每次啲風擘落房個位度，間屋就會感覺到震。而家搬左呢度臨時呢幾年打風都無乜感覺到啲風。
好細個，阿嫲阿爺住梨木樹幾層高嘅公屋，個露台上一節係鐵框下一節係疏窿嘅石屎牆，一打風落雨阿爺就拎有幾塊波浪紋嘅大膠片封住上下位，好簡陋，啲風再大啲就會吹開又撇雨，成身濕晒。