上個月初喺私家醫院生左，醫院話每3個鐘會推BB畀我埋身，我都keep住around the clock餐餐都準時起身餵，都有漲奶谷奶，甚至谷到有d石頭胸，可以用杯仔擠10幾ml初乳出嚟etc…
Day 1 姑娘就問我畀唔畀佢地補奶粉，我矇盛盛唔知道如果我唔畀佢地補而BB唔夠飽咁點算，所以就話如果"有需要"就補，結果BB到出院嗰日已經補緊70ml奶粉。雖說我唔係話一定要全人奶，我都知自己未必多奶，但都想起碼人奶同奶粉比例係一半半，但喺陪月瘋狂追磅不斷加奶粉嘅情況下，阿B到第3週已經每餐食到120ml, 而我只係泵到30ml人奶，人奶同奶粉嘅比例越拉越遠…
雖然請左陪月但我唔覺得飲咗咁多代茶湯水係有幫助我增加奶量，陪月亦唔係好鼓勵我埋身，話嘥時間，成日叫我去瞓，問佢佢只係叫我一日泵兩三次奶就ok，又話奶多奶少都好睇個人體質同底子，同我講30ml就30ml，係咁多就係咁多，無所謂唔好咁大壓力。
到第3個禮拜，我開始嘗試追奶，方法不外乎係多埋身，埋身後即刻泵奶"泵清佢”，每3個鐘要泵一次… 另外research到有個方法叫power pump (每日一次，一個鐘頭入面泵20分鐘，抖10分鐘，泵10分鐘，抖10分鐘… 咁樣)。
不過我只係盡做，因為陪月喺度時完全唔鼓勵唔畀機會我埋身，而陪月唔喺度時我要一個人埋身同補奶粉(加埋掃風要搞好耐)，搞完之後如果再泵奶就會完全冇時間休息，緊接開始餵下一轉… 老公放工後可以幫到其中3轉餵奶粉，但我都要抽時間食飯、沖涼，所以一樣都係唔能夠做足咁多樣嘢，好多時係埋左身就冇時間泵奶，要泵奶就要犧牲埋身…
試左一個禮拜，泵奶出嚟嘅量有上升到平均40-50ml (間唔中有幾次會泵到60-100ml)，但之後因為太攰停左power pump, 亦都做唔到3個鐘泵一次… 阿B哭鬧多左，好耐都食唔晒支奶，又多左嘔奶，變左好多時一餐奶要搞好耐好耐，個人都崩潰左，d時間打亂晒，好難有規律地準時3個鐘泵一次…
所以我喺追奶方面已經好唔順利，我有朋友第1個月已經每次泵起碼100ml，到第5,6個月可以做到全人奶，如果以呢個作參考，我係fall behind好多…
而阿B經常嘔奶(有時鼻哥都會噴奶)，我同老公都覺得除左佢肚仔多氣之外，就係食得太多，陪月係”隊”佢食好多奶… 阿B滿月時返健康院已經差唔多5kg(出世時3.22kg)，其實好夠磅，但陪月而家已經想谷佢飲140ml… 加上有時我埋身，陪月係唔當我有畀到奶阿B，次次佢都話阿B可能啜到10ml左右，之後佢就補110ml奶粉，有時甚至都無視我有埋過身照補夠120ml… 就算而家我每次泵奶嘅量由之前30ml升到40-50ml，佢仍然都係話阿B埋身只會啜到10ml，令到我好大挫敗感之餘，更擔心嘅係佢補太多奶粉夾硬隊BB食晒…
後來有次去健康院我去見母乳姑娘，姑娘話我泵到40ml的話，BB埋身啜到一定多過40ml，所以補奶粉係可以補少d… 但陪月都當耳邊風，我埋左身佢都係照補100-120ml奶粉…
我有好多疑問… 包括我一開始畀醫院補奶粉係唔係錯誤決定？係咪應該嘗試左全人奶埋多d身先？有咩方法可以喺3個鐘入面做咁多嘢(餵奶+追奶)而又有時間休息(而家每一轉中間可能得半個鐘可以恰下)? 以我而家嘅奶量，埋身時BB大約啜到幾多？如果好似陪月咁當我最多只畀到10ml BB，然後去補百幾ml奶粉，其實會唔會過度餵養，而令BB好辛苦而且經常嘔奶？
想分享自己有兩個細路，一個泵出嚟餵，埋唔到身，一埋身就瞓，一離口就喊，根本唔夠飽。坐月時feed in schedule 補一餐粉，返工後減泵到無。
第二個全埋身，feed in demand ，試過泵出嚟俾人餵，120ml 到180 ml 都食過，食完都係要埋身。
我想講，個個b 都唔同，健康院、人奶知識好理想㗎，講咩唔會無奶嘅媽媽、點追奶，嗰d 睇完就算，唔好比較同朋友泵幾多，唔好咁大壓力，還掂你都唔堅持全人奶。我都試過泵完餵，再洗泵，攰到癲就放棄。
陪月你請嘅，如果你覺得埋完身bb 可以補少d 直接講，佢唔聽就order 佢做，唔係叫佢俾意見。
1個讚
陪月唔聽健康院姑娘話,呢個係你要花點心思去處理的priority.
1個讚
A_lcy:
無人會知，bb 飽自然會停
但唔好搞到變咗人肉奶咀
6527c6905a1f3b33ec87:
陪月唔聽健康院姑娘話,呢個係你要花點心思去處理的priority.
我個問題係，因為我人奶+奶粉，而陪月每一餐要餵足120ml (滿月後佢已經嘗試餵140ml)，如果我埋身，就會用120扣返阿B supposed啜到嘅量去決定補幾多奶粉，而無論我泵奶量係30ml定50ml，佢都推斷我埋身只畀到10ml畀阿B，咁佢就會補110ml奶粉… 我嘅擔心係佢補得太得，如母乳姑娘所說，阿B用口啜到嘅奶量係一定多過泵，甚至係double… 咁講嘅話就算我泵得30ml，都可以推斷阿B埋身係啜到起碼30ml甚至60ml，但陪月補110ml，咁阿B咪被迫食緊140-170ml奶？佢剛滿月咋喎… 所以如果埋完身我會同佢講，補60ml奶粉得喇(assume阿B啜到60ml), 但佢唔聽，佢會口頭上”哦”好似聽我指示咁，但轉頭佢會去沖100ml… 我完全叫唔到佢聽我講，阻止唔到佢自把自為，因為佢覺得佢有經驗，我乜都唔識…
我諗你意思係阿B食飽會停，咁就唔使再餵，問題係陪月係會死命隊佢飲晒成支奶，而佢又真係有本事餵晒，但我就成日見到佢揸個奶樽嘅角度幾乎垂直，不斷聽到敲奶樽聲… 佢餐餐奶都要清，好似係必須完成嘅任務咁，尤其是一開始要幫阿B退黃，嗰時阿B黃膽太高要連續兩日返健康院，又要去醫院抽血，佢好緊張要快d退黃，唔想成日去健康院… 我都聽左佢嗰套/受佢影響，就算淩晨得我一個人餵，餵足3個鐘我都要餵晒一支奶先可以停咁，但每3個鐘就要餵一餐，變左我完全冇得瞓，搞到我好攰同好怕餵奶…
後來我同老公覺得唔對路，加上阿B嘔奶越多越多，覺得阿B被迫食太多奶… 所以我地餵時都係餵到阿B唔肯食就停，就算有時阿B只係食左60ml就封咀，我地就唔會繼續餵… 而家阿B一日總共大約食500-600ml奶，比之前食成780ml跌左好多，陪月會話我地餵唔足奶量，話阿B重量升得唔靚唔達標又要成日返健康院架喇！成日講到我地唔識湊咁，但阿B滿月已經5kg喇喎，使唔使咁chur? 就算姑娘話而家唔需要3個鐘一餐限時限量，佢都話唔可以架，一定要3個鐘一餐，食足奶量，1ml都唔可以餵少…
其實無特別記你個名，但樓主你真係每個post 都長篇大論要說服人咁。
其實你無需要說服我哋㗎，上面已講咗，你同你老公覺得啱，又信健康院嗰套咪同陪月講，佢哦完就算，你可以發火、可以自己負責餵奶嗰part，其他換片、沖涼，咪交俾佢囉。
我已經要喺黃昏到第二日朝早嗰5餐單打獨鬥，老公最多幫到其中兩餐餵奶粉，但我都一樣要埋身同泵奶，冇得停冇得抖，陪月喺度時幫我補奶粉，就係for我可以輕鬆d嗰3餐淨係埋身/泵奶，爭取時間補眠，如果餵奶又要自己做埋，咁我請佢返嚟做乜… 冇人想請著個陪月係咁，但結果佢係咁，我都想搵方法盡量夾，盡量令佢幫到我，我新手真係咩都唔識，最初真係想信晒佢，佢話畀我知d嘢要點做，只係慢慢發覺佢嗰套好似唔啱，由得佢又驚過度餵養令阿B受苦，但同時驚我同老公唔"監"阿B飲奶，由本身飲緊120ml變左我地只餵到60ml奶粉, 可能會令阿B嘅發展倒退，因為我唔sure我埋身係咪真係會畀到60ml阿B… 我都係想問下有冇人都係人奶+奶粉，會點樣計條數去決定補幾多奶粉… 下次返健康院覆診我都會再要求見母乳姑娘再問，只係meanwhile我冇人可以問… 如果浪費你時間又令你睇唔過眼，請你記住我個名，以後見到我嘅post就唔好㩒入嚟睇，唔好嘥時間覆我，唔該晒！
我有朋友買個BB磅埋身餵前餵後都磅一磅就知食左幾多, 但佢個B係<10percentile超小型, 你個B夠重間中一兩餐食少D唔會因為咁令佢發展退步, 放心佢餓一定話你知.
其實奶粉人奶份量唔可以直接加減,唔好執著呢條數啦,大部分媽媽的人奶唔及奶粉飽肚
我自己從來唔會同一餐人奶+奶粉, 埋身餵完就去補眠, 下一餐奶粉全由別人負責,如果人奶食少左,下餐奶粉就早D食但份量唔會立即加,睇定D再算.
Leila:
sure我埋身係咪真係會畀到60ml阿B
講多次，無人會知，就算健康院同你講都唔好信。bb 幾用力啜、啜幾耐，餐餐都唔同。你再補奶粉，bb 一定夠飽，你咪睇下佢瞓唔瞓到覺，bb 會唔會好快又喊搵食。都係嗰句，個個b 都唔同，佢一餐食少d 唔會倒退幾多，你有信心佢啜完補60夠，咪試吓。唔夠一安一安咁加上去，初期係要慢慢摸索。
仲有，bb 會大，可能佢今個月補60夠，下個月又要多一安，又或者你埋身順咗，唔使加奶粉又唔定，總之唔好聽哂陪月、健康院講，自己留意下bb 咩反應
Leila
2025年09月12日22:32
10
我有聽過呢個方法，啱啱都買左BB磅返嚟，不過未試磅before and after, 但就磅過BB而家 5.幾kg, ok冇話輕左，因為最近抱起手好似輕左，我擔心係因為我餵少左…
多謝你解答，因為陪月係咁操作，我day 1已經受佢影響跟左呢套，但就算我泵奶量有增加，佢都係一直當我埋身只畀到10ml阿B… 令我覺得努力完冇用，好大挫敗感，亦都開始質疑佢個思維同做法，其實佢以追磅追數為目標，寧可餵太多/阿B重過頭，都唔想唔達標影響佢個”金漆招牌”… 奶量呢d好難估，所以佢永遠估最少，話有10ml只係畀d面我，其實佢一直無視我當我係0ml，補奶粉點都會盡補佢心目中覺得阿B要飲嘅量… 但我諗本身就唔應該有”每餐一定要飲到幾多ml”嘅規定/目標，真係睇阿B飲到幾多就幾多…
6527c6905a1f3b33ec87:
從來唔會同一餐人奶+奶粉, 埋身餵完就去補眠, 下一餐奶粉全由別人負責,如果人奶食少左,下餐奶粉就早D食但份量唔會立即加,睇定D再算
我而家淩晨至清晨更係咁做，埋完身，如果有泵左奶就飲埋支奶，就算再補奶粉，都係阿B飲到幾多就幾多，佢一啖都唔飲我地就成支倒左佢，停手畀自己同阿B瞓下… 我同老公都覺得其實佢呢餐食得少，唔夠飽下餐會食返多d… 而且我地都冇辦法再每3個鐘搏鬥到佢飲晒120ml為止，然後大家都冇得瞓又要開始下一餐…
健康院姑娘話而家已經唔需要每3個鐘一餐限時限量，想問下你係阿B幾大開始唔再3個鐘叫醒佢餵奶？另外唔知你嗰時有冇需要用d好extreme嘅方法去追奶… 但好似我而家做緊大家講最基本要準時3個鐘泵一次，其實我都唔係好做到，因為我每3個鐘唔係淨係泵奶，仲要埋身同補奶粉，掃風都掃一大餐喇，根本冇時間做晒所有嘢… 有時埋左身就冇時間泵，想泵就要放棄埋身咁… 或者有時真係太眼瞓，起唔到身泵奶… 我唔知點先可以追到奶… 係咪要prioritize 3個鐘泵一次呢件事，寧可唔埋身？我好多嘢都唔明，唔知自己做得啱唔啱…
叫醒佢餵奶??!? 唔好掛,正常情況訓覺比食奶對BB成長更重要,肚餓自然會醒