我有3隻小學雞
移居海外一年幾，細兩個連自己個中文名都唔係好記得點寫。全靠我老公啲珍藏叮噹漫畫，大嗰個中文仲有初小程度
我有不定期教佢地中文，keep住啲中文圖書。暑假返香港買左一堆童話夢工場、大偵探福爾摩斯黎美國。始終中文唔易學，佢地喺香港學左幾年，有啲根基，一下子放棄晒好可惜
你地呢？ 啲小朋友放棄左中文？
1個讚
每個禮拜六帶小朋友去學三個鐘中文
(因為可以有時間做自己嘢如買餸，睇樓，剪髮，練車)
我嗰個好細個移民，喺香港冇讀過書。過嚟呢度我每日自己教認字，而家四歲幾認到80個中文字左右。 另外陪佢讀中文圖書，等佢有興趣。
下一步要點教未諗到，我諗遲啲應該要學寫字同埋句式？我呢度大部份老師都係教簡體普通話，要搵人教繁體都唔係咁易。 又唔想俾佢太大壓力，所以每日得幾分鐘
我小朋友13歲過嚟，响學校頭一年有中文讀（好淺），讀咗一年就冇再讀，而家仲認到30%字，但寫就淨係識啲簡單字
我小朋友本身都唔鍾意中文，所以嚟到冇再學了
一個歲半移民，一個本地出世，平時堅持同佢哋講廣東話，無特別教佢睇同寫，太難喇。
細個時會買好多中文書，同佢哋講故事，見到d 字會教佢哋，簡單嘅例如人、天、花，但其實無咩用
我用口語講，有時佢哋會指住d 字以為我講緊嗰個字，但完全唔係，例如我講點解，書面語寫為什麼。
依家大個咗，母語都唔係廣東話，佢哋繼續識聽識講就好。
我有朋友嘅小朋友，每個星期上一堂，有功課做，佢話都無用，d 功課做完就唔記得。同埋書面語，平時用唔到。
3個讚
我覺得盡做啦，識多樣點都好過識少樣
我嗰個都係咁 佢唔鍾意冇得逼
佢開心就好
佢鍾意就係 唔鍾意嘅話 會影響同家長嘅關係
尤其到咗反叛期 已經脾氣差 仲加多樣
而且佢花咗時間喺學中文 就少咗時間做其他嘢 所以小朋友鍾意先最緊要
咁好多嘢睇吓開心係咪排最前
我諗青春期少年有反叛心態， 冇得再好似細個幼稚園或者初小嗰陣時咁樣逼去做一啲佢冇興趣嘅事。如果夾硬，棧搞到以後對中文反感, 或者影響親子關係。 中文長遠都係要浸出嚟，就算佢一個星期上一堂中文堂，如果平時完全唔肯keep，應該都冇乜效果。
其實諗啲方法motivate得唔得，等佢自己有動力自學。例如買啲佢會有興趣嘅中文書/ 雜誌/ 遊戲攻略？ 睇吓廣東話電影 / YouTuber?
聽聞美國有啲immersion 學校，細年班學校主要用中文教學，ex. 90:10，慢慢滲多啲英文。