王妃？森林？
睇左啲乜啊
2個讚
睇完唔想講嘢
2個讚
CAP圖方便睇
讀幾多書，讀到幾叻都無用，人一膠，腦就殘。
美國Texas 21歲女學生Kaura Taylor嘅家人報警，話個女失蹤，佢媽媽聯絡傳媒尋人，結果有網民發現佢個女响幾千里以外嘅蘇格蘭Jedburgh嘅森林裡面，做咗「王妃」兼「國王侍女」。然後Kaura Taylor接近訪問話自己係自願嘅，叫家人唔好再揾自己。
根據Kaura Taylor嘅家人所講，本來响中學成績好好，仲有機會攞獎學金讀大學，打算之後入law school將來做律師，點知疫情期間困响屋企上網，跟住就變晒，信咗一個自稱係失落希伯來支派嘅「國王」Atehene，然後响2023年仲飛去蘇格蘭森林去幫呢個國王復國（依家全國加埋國王同王后得幾丁友）。
而呢個原名叫Kofi Offeh嘅「國王」Atehene，本來係歌劇演員，同王后Queen Nandi（原名Jean Gasho）聲稱係伊利沙伯一世時期，400年前驅逐嘅非裔包括嘅後代（事實係歷史學家話當年伊利沙伯一世只係提出驅逐，換取西班牙釋放英國戰俘，但因為當年啲奴隸主覺得女皇比唔夠錢，從來都無成功過驅逐）。
Atehene吹嘅個故事仲未完嘅，點解要响蘇格蘭復國呢？佢話自己仲係失落希伯來支派嘅後裔，係真正嘅先知，祖先就算來自遠古嘅蘇格蘭，等同猶太人嘅耶路撒冷，所以就要响呢個森林復國，等當年一齊被伊利沙伯一世驅逐嘅弟兄返黎（無走過又何來返黎？）
睇到呢度，大家個腦應該同我一樣，彈咗「唔好咁癡線啦」呢句出黎，但响幾年前膠到盡頭嘅社交網絡世界，就係有人信，仲要好似Kaura Taylor咁被洗腦。
信唔緊要，只要親身去過，見到「國王」响好近超市嘅森林附近扎營，用超市附近嘅公廁同浴室，又要靠社工支援，就知成單嘢本身就係笑話級別嘅低級邪教。其實Kaura Taylor嘅前男友最初都同佢一齊，但見到唔對路，但都生咗個BB之後即閃（報導無講BB係同男友生，還是「王子」）。只有Kaura Taylor留低做侍女，煮飯劈柴，跳舞拜國王，好喇，依家升咗level做埋王妃。
Kaura Taylor接受傳媒訪問，回應話自己從細就被家人侵犯，所以自己唔係失蹤係逃離。屋企人緊係否認，因為有前國王嘅信眾爆料，話之前已經有幾個侍女失咗蹤，所以佢啲家人擔心，唔只四圍聯絡傳媒，仲要求英國政府介入。
廿幾歲成年人，自願點介入？重點係讀幾多書，IQ幾高都無用，心理脆弱，再撞正呢啲自封「先知」，再加埋左膠DEI上身，撞正呢啲邪教「先知」，條件齊晒，就必然係咁。
正所謂條路自己揀…
Anyway，國王其實可以考慮下出巡去法國，然後坐艇穿越「紅海」（英倫海峽），然後話自己係四百年前嘅難民後代，咁英國政府應該會提供酒店食宿，至少唔洗扎營咁辛苦。
其實有時讀得多書, 先會覺得自己100%冇錯….人地凡夫俗子唔會明
1個讚
即係流浪漢 
2個讚
同性交轉運一樣，總有啲儍H信。
奉勸大家千歧唔好心靈空虛，否則容易悟入歧途
2個讚