最近我爸身體出問題, 先入醫院再轉另一間醫院, 同好多老人家一樣, 固執到極至, 有佢講無人講, 全病房都知佢咩料, 粗口滿場風, 又話要打人斬人, 佢仲有D活動能力都唔會困得佢住, 所以係兩間醫院都係被綁, 限制活動能力, 但佢入院前有少許認知, 入左院仲更加唔係經常認到人, 但都仲係自以為是, 問題來了, 佢識行識走, 入私院係最快既安排, 但佢咁既情況, 我地都唔知點攪好, 屋企有4個兄弟姐妹(包括我), 2票對2票, 贊成同反對, 贊成係我, 因為我覺得佢長期一個在家好有危險, 一有咩事一定有家人聯絡我去處理, 無人會主動參與; 反對者係識行識走, 大鬧老人院, 依家大家可唔可以比D意見我, 我應該要點做, 因為依家醫院都處於快表態中, 希望家屬諗下安排…..
雖然話兩票對兩票，但如果有乜事，次次都要你出動陪老人家，咁明顯大家的權責有分別。一人一票未必是公道的決策方式
除了老人家自己的意願，住老人院會有額外開支，呢筆費用會點分擔呢？如果請工人照顧，又可不可行呢？
雖然無辦法給直接建議，但各兄弟姐妹將費用支出和照顧者責任攤出來討論，用理性來決策，才會有大家滿意的結果
4個讚
改聯絡人為反對個兩位，可行嗎？
8個讚
同意，當年我婆長住喺我姨屋企，日日忍受佢脾氣、衛生問題。
到幾兄弟姊妹討論送佢去老人院，有個舅母反對，好彩我舅父話唔使佢照顧唔會明有幾辛苦，邊個反對送佢去邊個到住。
6個讚
邊個反對邊個主力照顧囉
2個讚
極少老人家願意入老人院，主動願意入去都係犧牲自己、去成全子孫自由唔想佢哋辛苦。我個人覺得屋企人真係照顧唔到，唯有呃佢轉去醫院復康中心，去到既成事實俾佢鬧一輪。但大前提就係呃咗佢入去後，屋企人要似佢住醫院時咁，輪流或最好每日去睇佢，唔好齋去一下就走，幫佢抹下身、親自餵佢飲食，幫佢做下運動或按摩，花時間同佢傾下偈，等佢如置身醫院或屋企氣氛，唔會扔低佢唔理佢先會接受。
因為入咗老人院，大小便都要壓尿片及長期臥床，老人家好快就會衰退及臀部潰爛。尤其親人絕少探望嘅老人家，老人院就會越理得少，久而久之老人家每日都捱苦，生命逐日倒數
2個讚
通常反對果個人都係最口響，平時都係對屋企出錢出力最少，但重要關頭就搶彊扮哂嘢。醒目縮骨嘅就會出少句聲，但偏偏就係老土嘅人、永遠唔覺自己老土，永遠開口 CAP 著脷
我果時照顧左老人家好多年，要每日買餸準備好三餐，同屋企另一員一齊合力照顧。而我就有自己工作，為照顧老人家調整每日縮時工作，好在份工自己可以安排，但亦犧牲影響生意漸漸大跌
我另有一員從來唔出錢出力，最多就係間中叫佢過嚟幫下手，睇住下老人家另一員落街買嘢，佢都係坐喺度玩手機，唔會同老人家傾偈，亦唔會幫佢梳洗或餵食。有次親戚來探訪，呢個乜都唔願付出一員，當住我面話我買餸煮飯有幾辛苦啫! 佢係承認自己，從來未煮過一次白飯，餸菜更加未曾煮過一次，平時只煮即食麵， 果下我忍住唔爆佢，因為鬧佢都冇用慳番啖氣
2個讚
老人家行得走得，入老人院未必係最理想嘅方案，其實社署有好多老人服務可以用，我家人返緊社署日間中心，唔使資產審查，過到評核就得，喺社署開咗case即係開始排緊老人院，等幾年可以入政府或者買位院舍，收費勁平，一樣冇資產審查
呢啲服務必須透過長者中心社工申請，一定要係長者屋企附近最近嗰間中心，將你屋企情況話俾社工知，佢哋會幫到你
老人家如果開始有腦退化，出院前記得叫醫生寫封信，轉介去老齡精神科，佢嗰啲臭脾氣，其實可以用藥物控制，記得係要排精神科嗰邊，精神科醫生專業啲，千祈唔好排家庭醫學專科
4個讚
冇份參與照顧投乜L野票
佢地乜都唔做唔該出下錢
錢都唔出可以直接反面
我阿姨地都面對差不多問題（去唔去老人院）我媽咪/阿姨舅父都會輪流照顧 個個都明白照顧者既辛苦
呢個支出唔平㗎，錢嘅支出平分嘅大前提，係父母年輕時對仔女嘅關愛係唔係平均，以我嘅老豆為例，一個月老人院燒差唔多三萬幾蚊，一個植物人咁嘅狀態活左五年，睇來仲要燒多幾年錢，好嘅老人院真係可以養住佢唔死多十年都得，問題係我哋都睇到香港經濟愈來愈差，如果經濟大蕭條，有限嘅錢點都係要留俾下一代，真心想講，我同老豆感情麻麻，佢對我細佬好好多，人生最後幾年，燒哂所有積蓄，一個錢都留唔到俾佢老婆我呀媽，現在仲係咁燒，我都燒到有啲灰。
係人都唔想入老人院，生老病死，老如果仲有自理能力就無問題，最大問題係又老又病嘅人生垃圾時間，一個等死嘅階段，呢個對自己和身邊人都係一個好大嘅壓力。養兒防老其實好自私，我都想仔女活到一個比我更好嘅人生，唔係扣起佢十年八年當我活佛咁養，我有啲同學，人到半百仲係單身，佢哋話寧願五六十歲仲行得走得叫雞馬上風死，都好過在老人院插喉等死，好似好極端，但我出入老人院多，又有佢哋嘅道理，我講笑咁講，佢真係馬上風死，作為幾十年老友，我會恭喜佢。
2個讚
老人家唔肯入老人院，曉行曉走又好難迫到佢，但可以與社工商量下安排及排隊某些服務，有兩手準備以防日後情況變瓌
我老公家也有老人在失去意識的情況下被某家人吊住條命三四年，但同時那家人又真的每天去老人院照顧數小時並且日漸消瘦，望著他們受苦我衹能叫我老公唔好出聲，讓真正的持份者（主要照顧者）話事，得把口站在道德高地又唔幫手的人根本無 say
其實人老咗真喺好悲哀, 眼見有啲舊同事退咗休冇嘢做, 每日無所事事, 一年後已經殘晒, 而長者一旦入住香港啲老人院(平價嗰啲), 真喺好快就拜拜了. 相反喺大陸有啲老人院就好似幾好, 起碼自己有間套房連洗手間浴室, 差別在於識行識走嘅價錢一般, 到要人換片餵食時, 當然價錢就會貴好多, 但點都唔使香港咁貴. 問題在於香港長者返內地老人院, 醫療就喺一大問題.
所以個人認為如果可以有安樂死合法嗰日, 對長者及對其家人都喺一種福音.
1個讚
做人要有啲生活重心，唔工作都要有啲嘢做
1個讚
呢個工作無咩人肯做，而又做得好，一定貴，老人家長期瞓床嗰啲，係要搬佢去張膠床，推入廁所沖涼。人去到呢個時間，如果仲要長命百歲，係好慘㗎！
安樂死係好難實行，太多醫療產業嘅利益，人一生搵嘅錢，如果活到呢個階段，都係過哂去醫院吊命，我睇過一個節目，話德國人好多都唔會認真咁醫絕症，一知道自己中咗招時日無多，就趁自己仲行得去旅行，
呢個係重點
支持安樂死. 希望外國收費會愈來愈低,令更多晚期病患可以自己決定生死.
1個讚
我都同仔女講左,如果醫都係多一年半載,我就一定唔醫, 寧願用剩餘時間盡情享受生活.
1個讚
但喺關鍵在於到時自己嘅狀況是否仍然允許到處去盡情食呢? 最怕唔喺患絕症, 而只喺不良於行要坐輪椅卻頭腦靈活, 或行得走得卻懵懵懂懂, 嗰時其實都會有生不如死嘅感覺吧? 尤其喺老人痴呆嗰種, 真喺會拖累後生, 自己又活得不知所謂, 呢啲又可以如何選擇呢? 到時恐怕連自尋短見都做唔到呢. 總之諗到都幾心寒.