原本奶奶自薦咗陪我坐月湊B，點知老公嗰邊有親戚都同我預產期相若，幫唔到我手，媽咪又唔方便全天候照顧我，兼顧咁多嘢怕處理唔嚟
困難就好難介定嘅，其實BB初期，主要食同瞓，換片，沖涼，一個人反而擔心嘅係情緒問題
邊個親過自己仔和孫?
2個讚
我都係一個人坐月，無陪月無長老，食月子餐。
呢個真係。女人生完就算湊得開心，都會唔知點解諗埋一邊，尤其第一胎，一個人湊餵奶掃風換片無限loop，都幾悶，好似人生就只得餵奶掃風換片 
個段時間最好老公多啲陪伴。
唔難，不過預左會好辛苦
我媽有隔日上嚟煮午餐我食
其餘日子老公前一晚煮定，我自己食時翻熱
買餸、煮飯、同bb沖涼都係佢做（日頭仲要返工，半夜幫手掃風）
(利申：第一胎全餐，bb係高敏，由朝喊到晚，要抱住先瞓到嗰隻）
所以到第二胎一早決定請陪月
到時候湊住bb好難分身煮飯 如果成日食外賣都唔好 老公返工就買定餸 幫我預備好先 第二日我就放曬入蒸架煮 唔需要睇火 但可以整嘅款式好有限 湯都唔係成日有得飲 係阿媽來探我先有 其餘時間我飲親戚送嘅即飲湯包 但有啲味精 雖然好味 但飲完會口渴 之後我都請老公飲曬佢算
到時候湊住bb好難分身煮飯 如果成日食外賣都唔好 老公返工就買定餸 幫我預備好先 第二日我就放曬入蒸架煮 唔需要睇火 但可以整嘅款式好有限 湯都唔係成日有得飲 係阿媽來探我先有 其餘時間我飲親戚送嘅湯 但有啲味精 雖然好味 但飲完會口渴 之後我都請老公飲曬佢算