啲人真係好厚面皮 狂問幾時有散水餅 又搵埋買散水餅網比你
邊個發明散水餅
邊個話一定有架 屎都唔比你食呀
4個讚
咁你同啲人唔熟又唔frd係可以唔洗派散水餅嘅。
除非佢地有請你食最後一餐，咁就點都要買幾舊切餅派俾人做下樣。
1個讚
企硬唔買都可以嘅
通常係轉到好工，同事又夾錢歡送你食飯，咁先要買散水餅回禮。
被炒的當然唔使，但不歡而散都唔使，在公司時都做唔到戰友，出嚟可以做到朋友？呢啲人算數喇，雖然山水有相逢，但如果班同事都唔係一啲你想要嘅人脈，都可以唔請，由佢哋講囉，你離開公司之後，呢啲人和事成為過去，是友是敵時間耐左都會淡忘。
10個讚
真係長工，又係轉到好工先派都話，呢幾年唔知點解做intern嘅都會送，仲送得愈嚟愈豪，件件ard $40以上係基本，真心覺得冇必要，亦都係唔好嘅風氣；自己派的話只會買一兩盒嗰種見得人嘅曲奇/蝴蝶酥、咖啡禮盒
1個讚
之前有同事就買美心比其他同事嫌棄唔食，我覺得班同事真係好PK，有啲嘢唔係老奉㗎嘛
4個讚
我上一份工個阿姐勁衰格，係職場欺淩夾埋幾個同事要迫我走
咁啱同一層有幾個夠 65 退休，佢地有自己夾埋送餅，我冇。送 cheap 嘢又唔好，送貴嘢「妹仔大過主人婆」，咁又係乞人憎。
阿姐就藐我，俾說話我聽話我從頭到尾根本就不屬於此地，唔識職場規矩連餅都唔送。
我心諗：當初你畫餅請我，又驚我爬頭要儘早迫走我。你憑咩要我送餅？你對我好我，我請你食飯又如何！
多謝佢咁想迫我轉工，我轉到更加好嘅地方，人工加 10%，工作量少 50%。最後我只係同幾個熟同事食飯同送少少嘢多謝佢地。
1個讚
我打過咁多份工都無派過,不過我新年會派利是,平時都會請同事食野
榮休送餅好正常,你個情況就梗係唔駛送啦
我做咗幾年。之前有幾個做一年都送，而且係有誠意搵 IG shop 整。相比之下咪「冇規矩」囉，都唔知邊條規矩話一定要送餅。
不過再之前有個同 team 嘅榮休就冇送任何嘢，佢一早睇穿曬啲膠層，話佢地完全唔值得佢花一分一毫 
1個讚
我之前有個同事被蝦被炒都比散水餅，我暗中叫佢其實唔使，佢話好多謝我替我抱不平
反而唔幾時開始啲散水餅要攪到大龍鳳咁。
以前都係係黑心餅店買兩打西餅就攪掂，或下午茶個度請番就算。
1個讚
係呀, 唔知點解愈來愈貴, IG shop我覺得最搵笨, 我唔會買, 亦唔覺有邊間IG shop係好食
1個讚
下午茶都唔平，茶餐都30-50蚊，反而請食西餅仲可以控制洗費
我之前份工做咗唔耐，同D人又唔friend, 係ig 店買包裝靚靚既花茶俾同事就算
1個讚
但男同事會覺得唔係呀, 同埋我覺得係淘一大pack回來再repack, 即係ig/fb d賣衫店賣的衫大部份都係淘x貨咁
當年嘅下午茶唔係好貴，十幾廿蚊。呢家就～
不知明餅店 cheap cheap地切餅最化算。 （睇工作性質同地區）
以前係羅漢請觀音，成條 team 夾錢餞行，每人象徵幾十，阿姐阿哥包底。離職嗰位佢唔想食就大家夾份禮物送 
我都覺得係一個好差既風氣
尤其是一個部門五六十人, 每team 都有合作過但唔係人人都有合作
但派餅又好難skip 左無合作過既人
講開呢個, 話說我試過有份工, A 係我同事但口蜜腹劍暗中踩住我上, 咁我同某d 同事係知道既, 但之前我同A 同某班同事有一齊食開飯, 咁呢班人當中, 我同B 本身fd 既, B 都知我唔likey A。
咁我知道A 背後響老細面前踩我之後, 我都已經少左同呢班同事食飯, 就係為左唔想同A 一齊食。
到我唔做, B 就話幫我約farewell, 叫食開飯呢班同事last day 同我食飯, 我已講明唔想同A 食, 點知最後B 都叫左A 一齊黎, 我真心唔想食呢餐飯。後來B 話驚會得罪A, 惟有叫埋佢一齊黎。我覺得好無奈, 我自己既last day, 連同邊個食飯都無權揀? 早知佢叫埋A 黎我寧願最後一日自己食。同一餐farewell 飯, 更搞笑係, 同事C 竟然叫果日先第一日番工既新人同我一齊食farewell 飯, 仲要個新同事夾錢請我添。
又試過有另一份工, 老細懶有品味, farewell 我時請我地去一間食完唔飽既餐廳食飯, 點知事後老細照send email 黎追我夾番食飯錢。第一次聽farewell 飯係要主角夾錢。
有關farewell 都一樣千奇百趣。
我經歷同你有D似,
不過我出事嗰次farewell飯反而係同我關係唔錯嘅同事一齊食, 成班都熟, 理論上唔會出事啦,
點知有一個同事A唔知咩事全程黑面 (朝早仲好地地),
之後我問返其他人, 原來A唔鍾意食嗰個菜式,
平時我地成班人食飯時都係就晒佢口味 (咁我地都無所謂, 反正都係一餐),
因為係farewell, 其他人就諗住食D特別D, 我唔知情, 一切佢地決定, 結果A就嬲左,
原來平時食飯冇出事純粹係我地就慣左佢, 慣到連其他人farewell佢都真情流露
1個讚
真係勁冇禮貌，我寧願唔去都唔會黑面
1個讚