有冇人都有睇呢兩套？一齊分享吓~
玻璃之心喺netflix熱播中，十集全齊。
坦白講劇情一般，少部分地方唔太合理，但重點係三個主要男角都養眼，奸角藤木直人雖然比全盛時期差好遠，但底子依然唔錯。最重要係每集各有不同的高質素歌曲聽，非常熱血，佐藤健唱得還好，飾演歌姬櫻井雪乃嗰位就唱功一流，值得推介。
本身麻麻地佐藤健，但知道套戲由佢一手策劃，目的係想日劇能夠好似韓劇咁走出本土，面向世界，加上佢+band內其餘三位成員，為咗套劇花時間苦練樂器，都開始有啲欣賞佢。
至於社畜，劇情就紮實好多，中上水準，一班小演員好戲又唔老積。當中痴住Alton嗰個波子最得意，兩個人之間嘅互動就好似小情侶，令人會心微笑。
