開題炒場，不如大家講下愛情，愛情故事、睇法、領悟，乜都傾下
開呢個題因為最近睇到比較多離婚case，有啲case係女人搵錢，女人負責屋企大部或者全部家務，男人亦比唔到情緒價值個女人，咁男人係屋企嘅價值又係乜嘢呢？以前一個男人搵錢養家，女人係屋企做主婦照顧屋企。而家大家都要搵錢，女人甚至搵錢多過男人，但係家務嘅分擔，角色上，好多男人都冇進步到。最唔開心係 錢你要大家一齊搵，家務你又唔會一齊做，小朋友又唔會一齊照顧，仲要做大男人，如果你養我就叫就下你，如果唔係，你憑乜嘢大男人？
3個讚
我又覺得男女都有呢D人…而家世界又會講多D 對自己好D咁, 有時過左火位就變自私…
1個讚
感謝炒場，等我炒埋一份
具俊曄咁深情咁每日守住大S個墓，又諗下唐佳雪妮夫婦嘅深情，對愛情多咗信心
見到具俊瞱咁情深覺得大s好幸福，嗰三年應該係重生
但係具俊瞱而家又太悲慘，希望佢早日走出傷痛
如果可以重來，唔知大家嘅選擇有冇變，可能點都揀個靚仔有型先
2個讚
大S當時個年紀被汪吸引係正常，當年佢哋都算真愛嘅
1個讚
汪應該都係真心愛大s，不過相比之下oppa 俾到更多滋潤佢，成個人容光煥發，好想好似佢咁
1個讚
講到搵錢就已經不是愛情了.
或者係現實將愛情磨滅
2個讚
移民潮後睇到香港唔少男人都可以做到神隊友，當然一定仲有大爺，唔可以一概而論嘅。
1個讚
大S後生實揀有錢靚仔，經歷完老公偷食就會揀個對自己全心全意嘅男人，好多女人嘅經歷
1個讚
真！
係香港大家都搵到，隊友乜都唔肯做。
佢想生，但唔想湊，覺得一個工人唔夠就請兩個。
移民後，個個都要打理間屋，就算肯俾錢搵人亦未必有質素。
佢宜家肯落手落腳做/唸home improvement idea，亦佢俾到信心我，如果真係生仔，佢會係神隊友。
唔好話男人，女人都係。但無辦法嘅，搵到嗰班全部都OT 到好夜，可以同小朋友晚飯都好好，仲邊個可以趕買餸煮飯有力氣做家務？
同埋男人做家務、湊仔能力真係比女人弱好多，好多時都係男人做唔到女人要求，女人又睇唔過眼，女人就做多好多。
移咗民，大家都要做，就算肯使錢有機會都要執手尾，家務、打理花園剪草、維修全部都要做。
佢哋好似係比較簡單嘅動物，好多時只係接受指令去做。同埋我哋呢一代好多男人都仲係阿媽會做晒家務又或者屋企有工人會做晒啲家務，所以佢哋無concept唔識做
可以重來會選一個他愛我多於我愛他,而且情緒穩定的人.
我表姐自結婚後一天也沒有工作過,表姐夫將她捧在手上寵愛, 可惜表姐夫早走了. 幸好仔女都孝順.
家庭和諧,對小朋友成長很重要.
肯做但做得唔好, 同老馮覺得係老婆做, 係完全不同的想法.
有些男人覺得自己份工先係辛苦工, 老婆返工都係齊坐8小時,一點也不辛苦 
2個讚
後生揀男人揀有錢靚仔有前途，而家老咗覺得脾氣好係首要