10個有8個望住電話耷低頭行，唔理前面有冇人同時對頭行緊過嚟或者去就嚟撞先至意識到要望返前面，
香港人係咪冇一刻唔睇住個電話會周身唔自在？
2個讚
仲要行得快，我見到呢啲迎面行過嚟又無望人嘅，我臨撞前就大聲咁 叫 BOOM! 通常都成個人醒晒。
我自己如果真係有事要睇電話 check 嘢，我會停埋一邊先。
4個讚
尤其過馬路睇住電話眼尾見到人過，佢又自然反應跟住人過，燈到都唔望下，呢類人最危險
3個讚
大又係咁，細又係咁！
啲幾廿歲老野又好鍾意企路中心㩒電話！
有啲一路行一路睇劇！cls!
3個讚
啲工人姐姐都係咁，佢哋推住架BB車當時望住個電話同佢啲同鄉視像…
2個讚
撞到我呢啲大人都算，大佬我仲拖住個小朋友，佢哋係冇諗住煞掣咁衝，所以出街要特別留神
2個讚
個日仲白痴！
我帶小朋友去圖書館，見到個姐姐開住視像，有個男人既大頭。
但圖書館要保持安靜，所以係冇講野的….
咁望住做乜7啊？！WTF??
1個讚
前排先同人傾過啲姐姐好鍾鐘意開住個電話同條佬視像係唔出聲，真係唔知仲乜。 
但如果對方係女人就不停講不停講。
我打緊機就係咁，要邊行邊打，不過都會望下條路 （但係對方睇我可能我無睇路行）
其實已經係常態
反而聽係有一D年輕人興’‘數位排毒’'(digital detox)
但路上都係見個個都睇手機架啦
行路就一定唔攞住手機，我論盡
香港相對其他國家太平，試吓去倫敦咁玩，好快俾人搶電話。
1個讚
哈哈！可能已解雙思之苦呢
佢地咁樣好討厭,成日影到其他人!
我見過佢地係更衣室都咁 
嘩搞錯！一定鬧佢
1個讚
講開呢樣
我想講, 早幾年有d 親戚約埋去其中一個親戚度食飯又係咁, 一大班人, 後生一輩既親戚, 一黎到, 坐低左, 就係一人一手機, 連social 都費事, 係後生同後生之間都零交流。
我明唔熟既話可能無咩話題, 但真係寧願望住手機, 眼尾都唔show 你既款, 感覺好差。
你話大家唔熟, 但一齊睇下電視都仲好d, 起碼睇緊同一個節目, 仲可以有些少交流
1個讚
呢招好正呀
我就通常會將個tote bag 轉到胸前, 等佢撞埋黎時成個袋 “hi” 落佢度
仲有些唔睇人照撞埋黎, 我成日都希望有日攞住榴槤, 等D自私精撞埋黎 
1個讚
我諗好多家庭都係咁，有咩家庭聚會都係各自碌電話，就算出街會見到小朋友都係揸住個iPad睇住行，我就會覺得出街都係望iPad不如喺屋企睇，咁出街嘅意義嘅咩呢
2個讚
咁惟有希望你之後會有啲同理心