實有人話學生有責任守校規，咁有性格就轉校，老豆唔應該包庇個仔。
老師，你咁鍾意剪，點解唔自己去剪，係唔係驚俾人告返轉頭，呢條係傷人罪。
咁叫老豆上來，俾把架罉佢老豆，食住花生睇父子相殘，個仔一反抗可能會死人，呢個老師係為出自己啖氣做呢啲嘢，正教畜！
犯校規，一係直接記缺點，之後俾一日佢哋去髮型屋剪。
5個讚
家長醒目, 老師一拎攻擊性武器出來就報警
2個讚
其實香港學校一向都係咁，比較守舊，唔講需唔需要與時並進先，如果名仔鐘意留長頭髮（唔知事主實際幾長），做父母應我考慮轉國際學校，咁咪自由，讀得呢D學校，你就預無得留長啦，魚與熊掌
而個老師真係膠，簡簡單單記個缺點，俾時間佢去剪，唔前記小過，再唔剪，咪大過，有哂校規，佢父母都無乎
成年事根本就係父母，阿仔，老師，3膠撞埋一齊
3個讚
我想知嗰把較剪唔係剪髮較剪啩
收到風 個家長學生係見訓導, 但唔係訓導拎鉸剪
係旁邊miss聽佢地對話, 燥底擸鉸剪行過去幫手剪
連登見到, 如果係真, 難怪家長報警
1個讚
攪到咁，想讀落去都幾難！衝動後果咪又煩日後點轉校
1個讚
以前最多拎條橡根幫佢扎條噴水池
1個讚
留長頭髮唔係一朝一夕既事，呢個學生又唔會只得一個老師教佢，正常咁諗呢個老師之前已經在教員室呻過學生頭髮問題，咁其他老師咩態度? 點解會發展成一個老師用自己方法單獨「履行校規」結果搞成咁. 唔通校規無寫明頭髮長度?
1個讚
而家老師同學生有任何身體接觸都可能出事
報紙訪問左個阿爸, 佢話學校真係無寫明唔可以留長髮, 佢同個仔為左呢件事已糾纏左幾年
2個讚
咁講真唔使拗校規有冇，老師有釋法權，話唔比就唔比（不過學校應該加返落去囉），人哋都係Band 1, 到時個個男仔留長頭髮啲家長卻步咁點？我就唔信屯門區啲家長咁開明接受到
利申：唔贊成老師拎較剪出嚟
我想講我以前學校，啲男仔頭髮太長，就會係學校得到啊sir既剪髮服務
即場剪
有次坐我隔離既男仔，明明見到佢有返學，但集會完好耐都未上課室
問佢去左邊，佢話比啊sir捉左去剪髮，咩「的水」太長之類
唔係話正確與否，只係單純分享
個小朋友唔係話校規無寫明唔比長頭髮咩?
好似話小朋友就係用呢個POINT 話唔剪…
我就覺得呢間學校太古板同埋個老師最錯係想用權力去壓制個小朋友.
如果係咁家長報警岩
咁以前有體罰，現在摸下都犯法。 我中學時係初中嚴，高中精英班鬆，預科隻眼開隻眼閉，對老師互相俾面，在預科時有一兩個杜拉格斯頭，只係未變色。
當年做得耐和想做得耐嘅新老師，對高中和預科類似嘅行為都係禮貌地提示，唔會去到咁盡，因為畢業後好多師兄都係專業人士，生意佬，啲人緣好嘅老師生日嗰個月俾舊生請食飯，月頭食到月尾。
分享下當年我啲老師點對啲長髮同學，有個係見家長，老豆係地中海，老師話俾佢有少少自由留長頭髮，但唔可以太長，同埋影多啲相，因為人生 keep 到呢個髮型嘅時間唔多，大家笑咗，下一日真係剪短返少少。
另一個就俾老師當抹手毛巾，寫完黑板就摸下佢個頭，讚佢啲髮質唔錯，上完數學堂一定變咗白髮魔女，最後佢唔想太令老師注意，剪短頭髮。
呢單 case 老豆一早要幫個仔轉校，家校教育觀念唔同，行唔到落去，學校又係維持上一代威權統治，都磨左兩三年，如果覺得學生成績好，會幫學校拉高 DSE 成績和入大學率，平心靜氣講掂佢，大家一人退一步，或者直接叫佢轉校，去搵一間接受到佢嘅髮型嘅學校。
成件事係學校又唔想放走個成績好嘅學生，又要佢做乖乖仔。 我唔知呢個學生有幾叻，但係作為一個傳統名男友出嚟嘅我，現在社會出人頭地嘅舊生，當年都係一啲會去單挑強權嘅細路，我同啲老師食飯時，佢哋話會睇得出邊啲係叻得來又唔聽話，有特別方法去教，好多十大惡人，4 大天王，大個左都正正經經，畢業幾十年，肯返來見老師和捐錢比學校，多數都係呢類鬼才，乖乖學生反而少。
3個讚
exactly, 大律師潛質，對文字敏感，係學校自己能力有問題，學校係社會嘅縮影，校規就係法律條文，成年人俾個學生捉到錯誤，反而攞鉸剪出嚟落佢哋父子面，老豆一早要幫個仔轉校啦！
我BUY 爸爸,呢個仔係要支持,
學校最多咪話如果你太長,就要囉像根綁起佢, 咁樣迫人剪仲要囉較剪出黎就太過分啦…
2個讚
有啲老師係鍾意落家長面子，等家長把怒火發落仔女身上，自己又可以出氣又有燥底父母做 dirty job. 有啲學校家長日枱面係有盒 tissue 在枱上俾學生抹眼淚， CLS.
爸爸醒目，無中老師計，差啲父子反目，咁就一世，呢啲教畜，只係人生路途見到嘅其中一個 PK, 過咗就係歷史。
5個讚
呢間b2尾b3頭學校,唔會迫佢轉校啦
好多上左年紀既老師都以為自己大曬惡曬