sorry 我諗可能我係異類 
我知道香港人好多都鍾意打邊爐
咁天時凍又唔想諗煮乜/食乜好, 一大班人想打邊爐都無可厚非
但通常打邊爐頭幾轉大家都會好鍾意淥牛肉, 之後就搞到成個湯底都好污糟好多油既感覺
頭兩轉焯d 肉點豉油食都還好
但之後就會有d 被違忘既菜呀、爛左既水餃、豆腐等愈煮愈爛又無撈起
煮到爛晒加埋d 牛肉既油脂……果煲湯底見到都唔想食
唔記得係唔係蔡瀾講，打邊爐係糟蹋食物，
我又未到呢個層次，純粹唔覺得好食
2個讚
我係打邊爐友講唔講得㗎？
D 快熟嘅嘢會食咗先再淥其他，唔會一次淥好多，唔夠再淥。
油脂泡一積埋就畢起，唔會核突，算唔算打邊爐嘅禮儀？
3個讚
我都唔鍾意打邊爐，純粹係因為想同朋友見面吹水先至去，每次食完烏冬午餐肉同幾條菜就會停手
1個讚
湯底好重要，但去到後來好肥膩就冇乜胃口
1個讚
唔太鐘意屋企打邊爐。
如果魚翅鮑魚海參打邊爐咁又真係幾糟蹋嘅。
我打邊爐啲食材本身都CHEAP嘢腸仔午餐肉一堆丸，所以唔覺又幾糟蹋食物。反而食唔晒浪費要掉個啲先係糟蹋食物。
2個讚
的確如果有人畢起晒d 泡, 同埋撈晒底先再落下一round 食物呢, 成件事會好好多, 但通常我身邊一大班打邊爐既, 都唔覺有人咁自律有呢d “禮儀” 
係佢呀, 好似係有人問佢, 如果地球上要消滅一種食物佢會揀乜野, 佢揀火鍋因為覺得唔係一個咩烹飪方法咁上下
我會覺得, 根本就係白烚, 有一半既食材係靠點d 豉油醬料去食先會好味
同感
我多數都係食丸、腸仔、烏冬同菜, 去到後面見到個湯底好污糟咁已經唔想再食
1個讚
湯底好緊要，唔可以太淡又唔可以太濃，要吊起到食物嘅鮮味，好食嘅湯底唔需要再加豉油都好食。
不過加醬料有時都可以再帶出食材嘅味道，死喇講講下我好似嚟踩場咁添
1個讚
天寒地凍打邊爐，只係為咗身體保暖，食咗暖笠笠。
我係唔明啲人點解夏天打邊爐。
1個讚
鮑魚可以打邊爐，大隻嘅鮑魚切片，灼幾下就食得，仲好正！
係！咩嘢食材都係用同一個湯去淥熟，其實有啲味係唔夾。
同埋食得太多好熱嘅嘢，易有舌癌和食道癌，用一杯 70 度左右嘅水淋落豬肉度會變白白地，因為已經熟咗少少，原理係一樣。 我老豆就係有一個壞習慣，蒸魚用滾油上碟在最熱嘅時候食，係時時生痱滋, 有一年有粒白色野，好耐都唔好，之後確認係舌癌。
1個讚
打邊爐係幾熱鬧嘅，尤其是冬天。通常打兩三次好夠皮
我好鍾意打邊爐
已經進化到用兩個鍋
一個麻辣湯, 一個清湯
肉類放麻辣鍋, 蔬菜海鮮就清湯
食到咁上下換鍋, 換幾次
咁D食物就會出現喺啱嘅鍋
好食好多
1個讚
我鍾意打邊爐 ，但唔鍾意啲人一野掃晒啲食物入去鍋度煮。
食牛就各自落，每人想要既生熟度唔同，食丸同餃就一般落人頭數，熟左就一人派一粒
盡量落第二轉前清一清入面啲野食，唔好搞到又多野食又核突咁。
3個讚
無問題呀, 大家交流下啫 
你平時用咩湯底多? 我覺得頭兩轉d 食物會有少少湯底既味, 之後就唔係好覺食材有湯底味了 (除非係麻辣)
換鍋係指連湯底都換埋新既??
同感
我就係有個親戚,
天時凍去佢屋企打邊爐, 過年去佢度打邊爐, 早兩日三十度去佢屋企仲係開住冷氣打邊爐, 一年去佢屋企幾次都係打邊爐……真心唔明, 唔想煮都可以叫外賣啫
都係普通粟米蘿蔔雞湯，講究d 外賣就胡椒豬肚，喺香港朋友買過冬瓜湯底，飲完湯再打邊爐，全部都唔會搶咗食材味道。
我明呀，因為我鐘意打邊爐，可以個個星期都打咁熱愛。尤其香港都無冬天，開冷氣都隨時凍過冬天。朋友又鐘意打，可能你親戚好似我咁，覺得好食過外賣啦！
不過我又唔會齋打邊爐嘅，聚會都係大家討論食咩，出街食反而好少打，因為貴，最基本價錢可以買到好好嘅材料。
1個讚
芫荽呀蕃茄湯底已經好正
唔係, 即係用兩個鍋自製鴛鴦鍋
A鍋放上爐頭食一陣, A鍋換B鍋又食一陣, 來回幾次