懷孕6周流啡流左成個星期 上網睇到又見到好多準媽媽都係甘…
所以諗住睇定D先 安慰自己冇痛冇流血應該冇事掛,
但愈諗愈驚,有冇媽媽試過流啡睇急症阿?
我流啡直到BB出世, 但我一直都 keep 住睇醫生, 所以擔心就一定要去睇, 唔好因為其他人都有相同情況而覺得"應該好常見", 始終人人情況唔同.
我第一胎都有試過流啡, 即刻去睇急症, 都係休息, 冇咩特別。當時我老公安慰我, 話BB會自己汰弱留強。所以唯有信佢, 最後都順利出世.
祝福你們, 最緊要保持心境開朗。
我第一胎6週，去完私家醫生度照超聲音，冇陰超
但返到屋企流啡，問咗朋友點做
朋友話流少少的話唔使理，之後問診所護士建議入急症，所以我流少少都有入急症，但其實醫院都冇嘢做到
都係照下超聲波，跟住叫我返屋企，但寫咗紙俾我去早孕科跟進
然後我第二胎又係第6週，睇完私家醫生，同樣冇陰超，但第二日流血，由朝早得少少，到越嚟越多，最後都去咗急症，又係冇嘢做到，都係寫紙去早孕科跟進
感恩兩個小朋友都有驚無險咁足月出世
雖然兩胎去急症室都冇嘢做到，但覺唔唔妥擔心，而私家又約唔到的話，去一次急症室好啲
祝你都陀得順利又健康
私家有無俾黃體素果d 塞劑俾你?
我第一胎三個月左右試過見少少血即刻去急症, 好彩照完話BB 仲好好無事
第二胎就三個月前都有流少少啡同粉紅, 睇私家話如果唔嚴重都OK, 又係叫我繼續用塞劑。
慶幸兩個都順利出世。
樓主如果擔心, 不如試下搵個私家醫生睇下? 祝好孕!
更正：最後入左急症，住左兩晚醫院
話先兆小產 胎兒存活率係640 請問有冇人知呢個數字係點睇架
我兩胎都係先兆小產，但去急症室冇留院，都冇聽過任何數字
不過放鬆心情休息好重要