BB王國吹噓移民回流香港好踴躍，好似每個會員都有大量親戚朋友移民，而親戚朋友移民或回流，都一定第一時間向佢哋報告咁? 但睇佢哋留言都似係聽返嚟，並唔係自己親戚朋友親口講俾佢知?
好多內容仲好神奇，講到移民幾年回流返香港，非政府工係私人機構舊老闆，都聘請番佢返去做，莫非個位懸空一直等佢返嚟做? 同埋個職位冇佢唔得 ? 仲要講到香港經濟點差，都不及在海外差，總之一句講哂香港乜都好，外國乜都衰，例牌又講黃藍講一世，都係黃乜都衰、藍乜都好。一味轉載及提及藍媒假消息，傻先會信囉 !!! 
我自己認識19年後移英，本身都係有錢家底，真係一個都冇回流。間中返嚟探親就有，但都係返番去海外生活。我諗好耐應該係BB班會員本身低下階層，識襯移呢都係經濟好抆水，都係夾硬過去試下、或果班人好大可能係藍人? 
BB 
殘 Post 連結： https://shorturl.at/AeBAt
多膠魚，睇下中共，成日口講美國點點點，幾多權貴手持美國護照，班白痴唔講？
我仲發現近日好多各論壇、及當年教人去移民 YT 頻道，都有大量佔九成吹風留言，猛話外國幾差幾差、香港幾好幾好。仲有好多頻道 Youtuber，由當初指導移民起家頻道，依家漸漸都轉風向氹人回流，有陰謀 ??? 
想D 細路“心懷祖國”，日日扯紅旗，就回流香港
識人去左唔夠一年就回流, 話唔適應同搵唔到工, 返香港搵返同一行, 一年後佢原本既 replacement 辭職, 於是佢老闆搵返佢返去做 . 亦都聽過有人返去只可以搵低一至兩個 grade 既工.
佢哋配合主子，把小事化大，營造成紅事，遮擋住白事“市面蕭條樓市冷卻”
佢哋既夢 ： 大量人口移入托返起樓市及消費市場，舖租繼續go go go
其實我絕對相信有人回流，但唔係網上近排八九成吹得咁誇，尤其亡國果班生番，擺明收取利益帶風向，講到差唔多八九成會員，身邊都有一大班親戚朋友移民，仲要誇張到大部份都生活唔如意，大部份都想或已經回流香港
呢個頻道都係好多留言都係 Nancy，都係每人身邊認識都回流好誇張，大家有時間不妨睇下留言，好極端，擺明帶風向
十個入面都冇一個回流
我好多走咗嘅朋友個個都開心適應新生活
有時間就去下歐洲唔同地方旅行
有一兩個會呻吓讀書太自由，小朋友好難管，不過都係講一兩句
我聽過兩個回流case: 一個單身男，一個太空人個媽媽帶住兩個小朋友，一家大細過嚟嘅九成九唔會回流，夠齊心
利申：覺得回流冇大問題
我幾十個朋友移咗去英加，冇一個話回流，番黎香港玩都冇，去日本join 舊就大把
我每年回流香港一次算唔算，探老人家
其實真係頂唔順回流嘅人應該唔多, 至少我識嗰啲全部都仲喺度. 不過已經有幾個話攞咗護照就會返香港, 由其係個小朋友喺呢度出世, 但係又未入小學, 返到去跟香港課程叫做打好個基礎, 可能諗住中學會翻返英國掛…所以過多一兩年回流嘅人數可能比想象中多
Threads都好多人話會回流，又話中學生唔適應唔鍾意英國嘅生活，睇完真係得啖笑，喺呢邊讀書嘅小朋友大部份都好開心唔願返香港讀書
呢個channel ？！算把啦！唔好嘥時間去睇啦！
學校一年放幾次長期當人回流？
我都識一個藍人，唔係移民，但有送啲仔女去英國讀書， 一到假期就要被回流香港。
如果班帶風向嘅藍人話係英國讀得唔開心唔適應，咁我真係唔明點解仲有咁多人咁辛苦放完個假飛番去英國讀書
有人辭官歸故里 有人漏夜趕科場, 不嬲有人走亦有人回流, 我唔覺得留港/回流有咩大問題。
唔計5+1前已係英國嘅香港人, 出呢個政策後去英國嘅人最快明年可以入紙, 即係未來2-3年就會知有幾多人回流。
我不嬲好buy數字, 派左少33萬份稅表, 呢個數字係2024年, 即係磚才落來香港後嘅稅表數目, 既然咁多人回流, 我相信未來2-3年一定大幅升返先係
香港的納稅人口連續三個年度減少後，在移民潮暫時稍為放緩及特區政府狂谷人才計劃下止跌，較上個年度稍微回升1.7%，惟遠未回復至反送中運動期間的水平，仍較2019至20年度高峰少了約12%。四年間仍然少了33萬納稅人
嚴格嚟講入籍後先叫做回流
