人越大, 真係唔需要咁多朋友, 因為多都無用, 真正心照關心先最重要
事源, 有個識左十幾年嘅朋友, 一直都係知心好友, 大家由拍拖, 結婚, 有小朋友, 都陪住成長. 最近佢同佢先生出左問題, 佢搵我傾訴都會陪佢. 但調返轉, 當我有事要佢幫忙嘅時候, 佢嘅反應頗冷淡, 都係簡單回應, 仲要最後不了了之… 講真, 真係有啲不是味兒. 但我都好明白, 友誼緣份呢啲野有時無得強求, 我自己要調節返, 唔好咁隨傳隨到. 另外, 放多啲時間喺一啲較雙向嘅朋友身上…
2個讚
唔好話朋友吖，親戚都係一樣
4個讚
人都係自私既,無幾多人做到大愛. 日久見人心.
1個讚
明白的…
竟然原來相識咁耐先睇清一個人
怪自己冇帶眼識人，認清都好既，唔好再錯落去
有啲人就係自私！只有佢唔開心係最重要
對其他人唔上心。
1個讚
有冇同朋友傾下？會唔會佢嗰排忙唔得閒理？比個機會佢
會唔會係佢心情唔好，所以無辦法幫你呀？
不過你呢類case 真係聽唔少。
依家人人有自己家庭，其實都好忙，同埋發覺好多人嘅諗法都可以有好大嘅出入，唔想聽人嗰套又唔想說服別人，專注返屋企就算，反正都開心。
1個讚
做人嘅嘢唔駛太計較，只要過得人過得自由就可以，幫人唔一定有回報，幫到人係自己開心，對方會唔會一樣幫你唔係重點
明白嘅, 佢嗰排心情真係差, 所以我都盡力分擔排解. 局外人會知道佢個情況, 有部分原因係將啲野放到無限大… 其他人幫唔到, 解鈴還需繫鈴人… 不過我亦都明白, 心情感受嘅野無得好討論, 所以我作為朋友都只能夠喺隔離陪伴
至於我嘅事, 我會覺得, 朋友係互相扶持, 佢有事嘅時候我照顧佢, 到我有需要嘅時候我都希望佢可以理下我. 就算幫唔到, 都比一個回應close case, 但唔係去到最後已讀不回…
關係係雙方面… 所以算啦, 如果有緣一定可以繼續做朋友, 如果唔係, 都唔強求, 反正學樓上話齋, 其實我生活都算美滿. 純粹真係少少感概啫
唔… 雞肋… 但我諗我都係唔會
我自己係女人, 我都覺得女人有時會敏感 (可能我今次都係). 有啲野, 一日唔講一日未係事實, 講左就變成事實收唔返. 所以都係算啦… 隨緣
有D朋友可以陪你一世, 有D就會係中間落車以後都做唔返好似之前咁 friend, 係無奈但現實就係咁
1個讚
我都有遇過，當時我自身難保，每件事都不順意，人已經去到臨界點，又唔識表達自己，亦都冇地方可以抒發情緒。
直到十幾年後嘅今日，
有位睇相大師，佢話以前的我 迫自己 迫得好緊要，現在只是自己放過自己，無迫自己迫得咁緊要，人亦都比以前鬆容咗。
1個讚
親戚更加係熟悉的陌生人
我會搞清楚有無誤會先 (呢刻佢真係無心情? 之前有D事情自己處理得唔好令佢不快?)
咁耐既友誼來得不易
如果無誤會 我都會幾瀟灑㗎 如你所講 做真心朋友 要雙向的
…做返比較普通朋友啦 