話說我有日返工買早餐有杯嘢飲free,可能我衰問咗兩個人 咁之後A覆我飲 另一個B(朋友)都覆我有嘢飲但都可以預佢
咁我就同B講 呀A覆咗我飲 不過如果你都想飲,我可以買多杯咁啦
跟住B就嬲咗 話覺得佢係後備,覺得我唔重視個關係
我承認我唔應該同時問兩個人
人際處理唔太好
但其實佢咁諗又好似嚴重咗,我覺得對朋友嘅關係應該輕鬆啲,我唔會計較咁多,就算啲好重視嘅朋友,因為我覺得難得做到朋友何必咁stress呢,反而我睇重,如果朋友有難,我會唔會及時幫助?調返轉都一樣,我覺得咁先係重視嘅表現
我分享唔係想證明自己啱定錯,因為每個人嘅感受/對朋友嘅睇法唔同,唔代表B嘅諗法係錯,正如我都一樣。希望大家可以俾啲意見
我都覺得朋友B 有d 太誇張, 又唔係話約左佢去街之後話為左第二個爽約
你同B 係咪唔多熟?
3個讚
又唔係唔熟,不過唔係話識咗好多年個啲
平時都會吹下水食飯嘅朋友
即佢可飲可唔飲?咁都嬲反應大左。
不過我首先唔會問兩個朋友,只會問完一個先問另一個,
就算問左兩個都答飲,我最多自己比錢買多杯扮係免費,因為自己一開始衰多口
4個讚
我做過俾人爽約果個,本來我唔知,果條友仲放出街相上FB,我即刻疏遠佢
2個讚
我估朋友B又答到唔係好想飲咁,所以樓主就無直接買多杯…
1個讚
所以我都唔知朋友嬲乜, 一般呢D答案我都會講多句, 咁我唔買比你架啦, 但佢可能一樣嬲 
1個讚
係,因為佢本身已經有嘢飲,所以佢意思係有嘅話都可以飲
有時我覺得要好好朋友先講得
佢重視朋友係好事,但咁樣對方都會好攰
可能我本身對屋企/另一半有時都會走咗神,未必樣樣事都咁上心
佢果日話自己個女病左黎唔到,夜晚放相上FB佢地同左其他人去玩,我最嬲係佢唔怕我知咁(即係睇我唔起),最好笑係之後佢有野要我幫佢個女,我即刻拒絕,佢再煩住我要幫手,我就發佢脾氣(我平時唔會咁做) 
1個讚
有少數人係咁玻璃心,如果同佢地玩要當佢地係最好最重要既朋友
1個讚