體型正常少少瘦，所以應該唔係減重問題，但已經30中，我好驚好擔心，想有小朋友，好怕真係生唔到，最近覺得壓力好大，來M會唔開心，想喊，點解其他女仔身體咁好我咁差。
週期38-44日，普遍都40日左右，呢幾個月血量仲少得誇張，可能幾日總共得1-2塊m巾
醫生點講？
越大壓力越難受孕㗎喎，有冇仔女都係講緣份
你越驚，壓力就越大，唯有試下唔好諗住，分散注意力
我屋企係蛋家人，以前啲蛋家人好多都生好多細佬仔，係以前醫療唔係咁好年代，有別於一般人，
屋企習慣 煮花膠，煲湯飲。
長大成人之後先至知花膠係補 子宮。
唔知道你現在先開始食，會唔會幫到你。
1個讚
我30幾歲時睇親婦科 e 生都係話我患上多囊卵巢症，週期都係6-7weeks, 仲話子宮後屈，所以難懷孕，令到個人好 down, 之後睇不孕 e 生，建議先食排卵葯，唔得就 iui ，後來食排卵葯成功懷孕了，不用 氣餒，揾個 e 生比 d 建議你，祝好孕
1個讚
跟醫生指示，盡量放鬆，目光遠大啲，唔好影響身體
已踏入高齡, 睇晒中醫, 做過iui 都唔得, 最後做ivf 既人路過, 唔好灰心呀!
你唔好自責, 其實多囊卵巢係好common 既, 唔係你既錯, 而且我都識人多囊卵巢最後生到BB。
經血量太少可以睇中醫調理下先。
對於生仔呢件事, 夫家壓力大唔大?
1個讚