不如平時對佢好D咪仲好！
日本可能得
如果佢真係接受到, 我覺得佢都好大決心
先唔講佢係"僅食方包", 就算日日早餐同午餐僅食任何一樣食物, 堅持到三十年一日兩餐食同一樣野都好勁!
同意圖片中佢句對白, 佢只刻薄自己無刻薄家人係OK
(無睇內文, 唔知佢家人平日食乜)
1個讚
咁個男生存係世上意義係乜，個女嘅如果愛佢都唔會讓佢咁做啦！
我無睇內文唔知點樣令佢開始咁做, 亦唔清楚呢兩公婆感情如何, 經濟狀況又如何
但呢個世界又真係有人以極端地慳錢為樂
單憑幅圖, 我只可以講佩服佢既恆心
我聽過一個case係個女本身係新移民，苦讀成材幾條A入港大，做專業人士，但每餐早餐午餐都係食方包（麥包腸仔包都冇）佢未到四十已經有三層樓，好似後來嫁人生咗一個就冇再做嘢
另一個男單身，每日午餐都係食隔夜飯，得一條菜，但又係四十已經買鋪，仲勁過買樓
我真係唔得，寧願做到六十
1個讚
對對對，其實都好犀利，唔係一般人可以
1個讚
我中學到而家早餐都係清水麥皮, 或者有seed方包/麥包
屋企人由細到大都係咁慳, 所以慣咗又冇乜野
當然放假時而又早起會食好D
粗略計比較去茶記食30蚊一份早餐, 我咁食已經慳咗20萬
2個讚
但係唔健康呢
有錢但冇健康就唔值得
（其實基本健康野如疏菜呀蛋白質都唔係貴啫！）
3個讚
早餐係咁唔出奇，我以上個cases係女嘅早午餐都係方包；個男嘅午餐係白飯加條菜冇肉
2個讚
白面包係無營養，和導致三高
隔夜飯係勁多亞硝酸鹽，係致癌物。
無必要食得豪，但有能力嘅話，一定要食得好。
有咩問題呢？ 又無人迫佢，至少佢有目標，好過好多人啦，好唔好見人見智，而家好多月光戰士，係咪叫好？
1個讚
我見啲人講自己屋企慳到仲震撼：5pm食飯因為夜晚唔會開燈，屋企從來冇熱水爐，屋企唔比開電視…
我驚人在天堂，錢在銀行
冇需要去到咁盡
4個讚
索性食一餐咪算，之前都試過日食一餐，健康又慳錢
我屋企係慳type但未去到咁盡，通常係見到menu 叫最平嗰啲，即係唔會豪食