前一次外國客戶來開會，主管叫我買咖啡
我挑這家的美式有焦香但不苦澀
沒有油耗酸味很順口……當天結束後就被主管糾正了：
「咖啡用封膜的看起來很廉價要用杯蓋」
「為什麼要買外面沒有名的店？應該要買星巴克或摩斯，看起來才有質感外國人也認識」「可是那兩家很難喝耶」
「好不好喝不是重點，重點是要有質感」
然後我就被主管叫到小房間開導了一小時
說我要多多從大主管的角度思考
有人很懂得大主管要什麼
大主管一句話就把事情辦得很好
就會得到升遷機會……我兩眼無神的發呆
腦中想著星巴克的冰美式
「中杯12oz，$100，嗯，又貴又難喝」
我估計唔係香港發生，可能係台灣
一睇行文用字都覺得係台灣
好正, 最後得出一個結論係叫主管唔好再搵我買咖啡 
2個讚
笑死人，我諗起兩單：
話說我有朋友公司有大客到，叫個師奶買啲西餅，個師奶去美心買卷蛋十二個，係十二個同款，個老闆同客一見到都皺晒眉
另一間公司又係類似情形，不過好似係啲公司圍內training , 叫個後生女買啲小食，個後生女買幾包太平梳打餅乾
5個讚
Stubborn 嘅人
一喺個人能力好強自己做老細
一喺一世做嘍囉
3個讚
自作主張為乜
大路嘢咪算
職場上撞下板係正常既
佢主管都幾好會教下人
我覺得依家新世代都幾好，將件事放上threads 有人評論下咁
有時真係會以為自己好啱, 聽取其他人意見係好既 （雖然呢位post 主唔聽）
4個讚
有時好似跌咗個腦咁乜人情世故都唔識，話佢又話我哋老屎忽
1個讚
我都睇到O咀 唔明點解佢咁堅持, 又唔係自己比錢買, 又唔係自己飲, 係度堅持咩品味啫
工作上我明有D位唔可以退讓, 但只係買咖啡咁小事, 佢都嚴重到話以後唔好再搵佢
其實成件事可以再簡單D, 上司叫佢買食物飲品, 即場問買XXX好唔好, 已經解決左
3個讚
果然全世界都會有呢D人, 都唔知話佢冇職場智慧, 定係無生活智慧好,
我而家嘅主管佢叫同事買食物時會指定餐廳或牌子(講緊同高層開大會, 或見客), 睇左呢個threads之後我懷疑佢係唔係經歷過一樣情況, 所以直接唔駛同事選擇, 費是激氣同自己無面
2個讚
唔清楚當時見客有冇其他高層在場, 就算冇我估個主管都覺得幾無面, 一般來講事後會鬧個同事, 仲可以咁冷靜教佢做人, 真係唔話得, 只可惜浪費左主管一番心血
1個讚
可能佢一直食開呢間，所以諗都唔諗好直接買返食開既嘢開心share
我諗起有單野，又係有個上司叫下屬去安排餐飲俾高層開會加training期間食用，原本叫A做，但佢好忙所以叫咗B去做，結果係個個都好滿意餐飲既安排，後來A講返話如果係佢搞一定俾人鬧，因為佢之前係細公司做，公司乜都慳又小家，所以係佢心目中價錢平係最重要，唔會考慮個結果係咪得體，但係B出身大公司，會將體面排先同埋注重細節，有時係exposure 問題同埋無人提點令同事無考慮咁多
3個讚
拿…我認係老油條,不涉及大事大非,我而家對待老板的要求,就算幾無謂及浪費人力物力都好,我都抱住一個心態…最緊要佢歡喜
3個讚
主管錯唔哂，招呼大客真係要講體面，要包裝，附近最貴最知名未必係最好飲，但作為客人，銀碼上感覺到自己有幾被重視，呢個係真嘅。
親身例子，早幾個月去越南出差，客戶請我飲㗎啡，去咗河內一間六星級酒店頂樓，唔係路邊文青 coffee shop, 雖然我心中覺得文青小店更有特色一樣有好嘢飲，但真心講句，第一次見面去酒店 high tea 係加分嘅。
下屬要破傳統，玩地道美食，可以嘅！但一定要去到味王嘅級數，飲完一啖大讚 「好好味呀！」但㗎啡係好個人口味，唔知客人口味用自己把尺去度，多數出事。
咖啡用封膜真係唔得，感覺上係科技之狠活，似港女廢水。
4個讚
同埋有啲人係大牌
話知你街邊幾好飲，人哋會覺得不受尊重
1個讚
呢D好睇自己有冇識睇眉頭眼額, 識做得黎又唔過份刷鞋反感…學問嚟
1個讚
其中一個原因 “父母” 縱壞哂，覺得呢個世界要圍住佢轉，覺得自己才有taste，有見地。
上司／長輩講2句，又鬧人 “癈老”，不知自己才是 “廢青”
就咁睇threads咖啡事件, 我感覺未去到好深懊人情世故, 但佢個上司都用左成粒鐘講解, 仲要事主講完都係唔明, 我估呢一粒鐘佢不停反駁佢上司, 否則的話正常5-10分鐘乜都講完啦
3個讚
人情世故最難嘅係：佢識就唔使教，佢唔識你教仲煩，佢又唔聽又唔會學精