我極度自卑，經常懷疑自己，有咩辦法？求指教，謝謝
每個人都係從經驗建立自己的價值. 嘗試不同的事情和技能去解鎖自己的潛在能力.
4個讚
自卑都係源於有同人比較。
盡量唔好同人比較就少啲煩惱。
3個讚
自卑有得醫，中國變終國
2個讚
成長過程中發生咗嘅缺陷，係好難大個去彌補返，最好係有人幫你，但你都可以試吓欣賞自己，同埋自己同過去咗嘅自己做輔導，提醒自己唔係差。但千祈唔將責任歸咎響某D人度，例如怪自己父母唔識教，搞到你而家咁之類
1個讚
自卑點解要醫? 我覺得"自卑應該點樣醫？"呢個問題先要醫
3個讚
我明呀…你意思係我要先接受自己就係咁自卑吖嘛？
排期等緊見專業人士中
係，以前一度要搵原因，一味怪人，就算知自己都有責任，都冇去面對，而家想向前行，唔再停步……
一時時得咋，我啲想法swing得好緊要
1個讚
就算我自己確立左自己，仍然想有人去認同
即使知道有冇人認同，我都可以去做自己認為啱既事，但我仍然好冇信心
呢個過程好難捱
有人會穿名牌，增強自信
亦有人讀書考取學位
自己搞唔掂就要搵有經驗嘅人幫你，因為有時偏執咗自己可能唔覺，朋友家人又未必知點處理，用錯方法的話，你有可能誤會人哋唔明白你，甚至覺得係指責
冇人有責任㗎，人哋認為咁做係對你好，但未必認為對你係傷害，你只可能設法改變自己，冇可能改變人哋。就算你迫到佢對你認罪，講真，過去嘅傷害根本冇得彌補，永遠黐實你，你冇可能搣甩佢，你只可以同哩D傷痕共處，佢哋係永遠住響你心裏面嘅壞小孩，一有機會就會走出嚟搞搞震。就算將來你學會克服到自卑感，但去到某D場景，自卑感一定會飄出嚟突襲吓你。你要記住自卑感唔係病，佢只係你整體嘅一個小部分，其實人人都有黑暗面，你要做嘅係駕馭佢，而唔係俾佢控制你，唔好俾負面思想影響你生活，你先至係佢主人！
相比點去對待傷害你嘅人，我覺得錫自己先係首要。
1個讚
兩個字醫到：自強
2個讚
每個人都有唔多唔少心理缺陷，聽一啲乜乜物物改善方法，只係圍爐俾啲溫暖你。唯一改變方法只有你本身，改變閣下故有思維方式是唯一可取及最有效途徑。
2個讚
讀心理學，重新審視自己嘅人生，
或者會有一個新角度看待事物。
1個讚
想人認同和好冇信心是不同的事情, 不要混淆.
建立自信心(古服自卑), 要不斷嘗試去發掘自己的潛在能力. 這個程是自我鍛鍊, 考驗天份, 觀察自己的能力和意志.
想人認同, 你要跟別人攪好關係, 重視溝通, 適當地表現自己的能力.
1個讚
我們都是普通人, 不時會經歷失敗和被批評, 大家都是從起跌中這樣走過來.
真正傷害我們的, 往往不是自卑或缺乏認同, 而是自己對別人太多的期望和鑽牛角尖.
2個讚
多謝以上每一個回覆
現階段未能一一回覆
good, 呢一點我一定要記得，有定呢個心理準備好重要
多謝你耐心回覆。
感覺你係一個有經驗/好深體會既人。
1個讚
可以同自己比較，滿足感會大好.多
自卑其實都有些少好處。俾人感覺平易近人冇殺傷力，人緣可以好啲。
但要記住唔好講到出口，唔好同人呻，因為冇人想同啲咁負能量嘅人一齊。