單新聞已過左幾日, 但Threads有人鬧個3歲點解唔識報警, 被鬧返轉頭, 剛見到有youtuber又提起呢件事。
3歲當然可以教佢打999, 但問題係呢個小朋友以為媽媽睡覺, 唔同教小朋友唔好衝紅燈, 要教一個3歲分辨到暈倒、昏迷、睡覺係好難。
睇個背景阿媽單親, 父母唔係身邊, 似係無乜朋友, 唔會regularly同外界接觸(好似冇工作), 出左事4日先被發現, 但都太遲, 所以先係度諗, 呢D情況可以點避免
啲人都刻薄成性，三歲都可以怪責，我又想知佢哋啲仔女有幾獨立囉
12個讚
報道話小朋友已經休學咗一排？我諗個細路女都得唔到正常嘅家庭/學校教育。
同埋我好似都冇教過我小朋友，我瞓喺度唔郁嘅時候要打電話報警
1個讚
老師早幾日有上過去的
識同唔識打999都好，個女得三歲，個成長咁艱難，同情心同理心冇都唔使批評啩
3個讚
呢啲言論好唔貼地，3歲細路多數都要大人拋問題（你個名/父母名/平時興趣做咩）好似in 幼稚園咁去講嘢，佢點可能識分事態嚴重到要打999再自行敍述件事？
不過講開呢個話題，話說喺加拿大呢邊最近睇得車禍新聞多，如果發生自己身上點，先意識到寫低晒香港親人電話，同教細路如果爸爸媽媽咁咁咁嘅話，你哋要點樣聯絡佢哋
1個讚
講得出都唔知係咪父母，3歲根本仲係好bb，
預先教佢哋係好嘅，但發生時又係另一回事。
我女3歲讀幼稚園前都係咁洗腦同佢講，返學要拜拜媽媽，唔使喊，放學就見到媽媽，講到佢都識得背，咪又係喊到豬頭咁。
我覺得讀小學應該可以，但3歲真係太細
1個讚
講呢啲嘅人自己仔女獨立先算啦
冇陰功，伴住阿媽個屍體幾日呢個陰影跟一世
點解3歲一定要識打999？
3個讚
香港人真係無乜同理心
一有事網民只識批判當事人, 好mean, 何況人地得三歲, 可能連電話都未打過
咪係
1個讚
Threads仲差，個個不負責任
1個讚
小朋友搵到野食捱幾日其實都醒目架啦
4個讚
我先排同我朋友講，threads成個大型精神病院咁，個個都好似high咗嘢咁亂咁講嘢，晌度發癲。
3個讚
成日將自己啲details 講晒出嚟，又怨氣極重，好似全世界都對佢佢唔住咁，仲怨氣重過貞子同伽椰子
1個讚
我睇 D Threads又幾好bor，好多係台灣人寫，各種人情故事生活掙扎都有，有D都睇到係真實個案，幾感人。可能AI見我對個D有反應，比晒同類型我睇掛。
1個讚
真係唔識用電話唔奇
而家唔係個個屋企有固網電話
以前d電話鍵係實體，而家手提電話要個小朋友識撳到打電話個鍵盤出嚟先打到電話
2個讚
叫做睇到人生百態
咪係,仲要識得解鎖父母個電話先
同埋宜家大人都好少用電話功能啦, 有咩都係whatsapp send msg
1個讚
佢仲繼續解釋果下先痴線 講佢sorry 冇用腦講左句咁既野咪算
仲要死雞撐
1個讚