其實香港會唔會好普遍？如果你哋發現你隔離單位係補習社，你會唔會舉報佢？
但佢本身係咪自住？
我記得如果學生到咗某一個人數先要註冊同埋裝修要達到消防要求，否則屋企小班私補唔算犯法
1個讚
要分清楚係 純住宅契 定係 商業住宅契
只要同一時間內補習不多過8名學生都唔需要攞補習社牌照
純住宅契當然不適合做補習社，
如果不是做補習社，
連近年多事嘅房屋處，也不能因為單位用作個別私人補習這理由，收回單位及扣分（因為有酌情權）
如此類推，都好難阻止⋯⋯
除非真係收好多學生，做成嚴重滋擾，可以報管理處或者業主立案法團，睇吓佢哋做唔做佢
我覺得唔係，因為我個單位會望到佢單位個窗邊，咁我租住咗成個月但夜晚都冇見過佢開燈，其實都冇諗咁多嘅，只係覺得奇怪啫。
咁有一日晏晝我返屋企就咁啱見佢都開門，佢開門俾個工人姐姐帶住嘅小朋友入去，一望點知佢個廳有張好大嘅方形枱，有班小朋友圍住張枱埋頭苦幹，就知道原來係補習社，唔怪之得到咗夜晚會冇人開燈，好可能放工就走咗。
嗰吓剎那間望入間屋，至少有6個小朋友，之後先諗返唔怪之得平時走廊有咁多小朋友聲
多謝你嘅資料，暫時係啲小朋友喧嘩聲，都會算數嘅，但如果之後變得嚴重嘅我就會同管理交涉
根據《教育條例》第3(1)條，「學校」是指一間院校、組織或機構，其於任何一天向20人或多於20人或於任何時間同時向8人或多於8人提供幼兒、幼稚園、小學、中學或專上教育或以任何方式提供任何其他教育課程，包括以專人或郵遞服務交付的函授方式。
你入唔到去，係唔會知裡面點，不過你可以搵管理處傾咗先，佢哋都有責任搵戶主了解下
感謝有關資訊