大家平時有冇幫襯兩餸飯? 幫襯原因係貪平 ? 貪方便 ? 定可以選擇自己喜歡餸菜 … 例如有人中意多菜少肉? 大家是否認同 facebook 兩餸飯版主經濟概念? 大家有冇加入呢個群組 ? 不妨討論分享下 
無睇晒。
但唔認同。經濟好就唔需要食兩餸飯。
好似以前咁個個搵到幾蚊都魚翅浪口。仲點會同你捱飯盒呀。
5個讚
係咪收咗錢，呢D所謂專頁，吸夠人數就變質
4個讚
我淨係知食得兩餸飯多會好肥, 為健康著想, 建議大家少食為妙
3個讚
係冇人想係香港洗錢
情願平時慳d去多次日本好過
飯盒外賣冇問題喎
covid之後慣咗啦
2個讚
唔係反而令人多留係屋企煮飯食？
我寧願煮個公仔麵都唔會買雙餸飯。
1個讚
呢個我同意, 感覺板主都好似有d 想搏人訪問佢
你好有心機, 搵番咁多資料 
我都有睇早兩日《經緯線》佢個訪問, 佢講收工出去買兩個餸, 番屋企煮個飯煮兩條菜, 感覺好方便。
宜家好多都係雙職家庭, 有d 小朋友大左無請工人, 我同意買現成餸的確係方便呢種家庭, 而且專做兩餸飯既鋪頭, 菜式的確款式多, 令人感覺有得揀而又唔會成日重覆。
佢引用既數字看似無得反駁, 但網友講得無錯, 佢只係倒果為因, 當初興起係源於經濟唔好, 宜家成個消費模式已變質, 香港人慣左香港搵錢, 但番大陸/去日本消費嘛。GDP 高又如何? 到時幾多錢有流番入去香港市場先係問題嘛
6個讚
我食兩餸飯因為平同方便
不過就唔太健康, 有D鋪好重味精同醬油, 要揀鋪買
3個讚
非常認同，好多群組一多會員就變質，群主最初可能想一腔熱誠、及想中肯非牟利，你唔撩人人哋會主動撩你，會俾利益吸引你去帶風向 
1個讚
疫情過去，街市慢慢少咗人去買餸煮飯，
1個讚
佢嘅所謂經濟理論，感覺似抄多過自己分析，GDP背後嘅數據，相信大部分人都唔清楚，只係好表面睇GDP升就經濟好，GDP跌就經濟唔好，GDP呢條數唔可言真真正正反映到現實個經濟情況，因為GDP條數背後係可以人為操作，睇中國就知，當然，會有人話香港唔會嘅，呢點董講，現今香港同中國一樣，只要面子，睇財赤預算案就知，口講財赤，轉頭就攪大型建設
兩餸飯店數量增，計埋其他店，相信點都唔及關門多，否則，街邊唔會有吉舖，呢個數字同經濟有關，但唔係同經濟好有關，正如外國睇經濟好唔好，除咗表面上睇指數，GDP，有好多現實指數睇到，例如口紅效應，越多女士買唇膏代表經濟變差。
兩餸飯興起背後原因唔係經濟好，經濟好時，邊個想食兩餸飯？ 香港97前有幾多兩餸飯店？ 係咪即係經濟唔好？ 現時物價高，家庭人數少，買餸自己煮，燈油火蠟都係錢，加加埋埋隨時貴過兩餸飯，所以先多人買，其次係平，3x-4x就攪點，而家普普通通一餐100一個人頭，相對下，兩餸假抵好多
1個讚
海皇執大家樂都發盈警
依d平民食肆都咁
人人都要食飯架嘛
d生意咪去兩餸飯度囉
唔使堂食 舖租少幾多
40蚊, 仲包野飲
普通餐廳食肆點做
2個讚
我身邊識嘅人又無咩人食兩餸飯。
主要都係屋企食，外賣或者堂食。
1個讚
自武漢後，晚黑好少人出去食，大多叫外賣多，其實夜晚餐廳好兩極化，一係多人到爆炸，一係拍烏蠅，點解有啲餐廳咁少人，佢哋又唔反省下！
2個讚
我樓下果間初初好好食,但係廚房做唔長,成日轉人 
香港人算好,大部分會繼續供,大陸好多斷供
夾公仔鋪頂左好多吉鋪啦
我多數lunch食, 唔想行咁遠同快
其中1個餸要菜(自我感覺好D 
)
