依個post大把匿名喎, 連開post都個樓主都係匿名, 咁唔中意你又入嚟？
再者匿唔匿名同敢唔敢quote又有咩關係呢？你又唔講.
quote唔quote等唔等於有禮貌係你自己up咋喎, 依個post入面大把人唔quote, 咁又點？
定係唔關匿唔匿名事, 純粹係有某d言論你接受唔到, 想玩針對?玩捉鬼?想睇我過往嘅post想起底翻舊帳？
我有諗過。
英國窮到褲穿窿係事實，想同大陸做生意
1個讚
都好大機會
其實平權如果變貪心就有問題, 好似交本地生學費咁,就算英藉人士,都要係英國交稅三年,仔女才可享受本地生學費. 咁點解BNO VISA一移民就要求享受本地生學費?
1個讚
BNO visa 5+1係比當日有需要移民既人用, 佢地帶住唔多資金及一絲希望, 一家大細去英國建立新生活。同時有一班冇需要用同帶住舊資金既人搭左順風車，佢地果班搭順風車係英國un un腳撩牙唔緊要，但做人唔好咁冇同理心。大是大非下再次見到人同鬼!
無人同情某程度同呢度有d移民人以往言語間自以為高人一等, 想串新移民時, 又要串埋留港人士, 得閒又50/100步笑50/100步串台灣人, 而唔係槍口一致對準…之過, 不如自己檢討下先話人係鬼
1個讚
我反而覺得英加澳移民政策都係收香港人才同資金加人道理由一半一半，如果話有資金嘅搭順風車亦可以話唔夠能力嘅搭順風車。5+1定10+1可以表達反對意見，惡型惡相開口就鬧英國極爲討厭。唔夠資金學歷+英文未必好好嘅人哋開咗條路比你哋，下一代話唔定有成功一日，乜都想合您意只會惹人反感。唔係同理心問題，大把人我想幫，不過都要照顧掂自己先。國家都一樣。
1個讚
一開始講明10+1冇問題, 申請者都會有其他考量
10+1 apply去新申請都冇問題, 但中段咁改, 的確令人應接不暇
人地有不滿都好正常喎
7個讚
我睇咗張子君同羅家聰節目講5+1變10+1, KC 話5+1 文件冇寫死5年後可以申請入籍，只係寫可能可以申請。我冇詳細睇過，受影響嘅人應該研究下。我都唔同意bno改10+1, 一開始成個敘述都係5年加1年入籍。如果寫得清楚嘅咪籌旗打官司，我應該都會象徵式支持。如果冇寫死嘅咪繼續搵支持，真係改都冇辦法，吞咗佢咬緊牙關。
咁當然啦，亂咁嚟就冇人支持
任何人都有權利追求自由，特別係免於恐懼嘅自由，不過你指嘅應該係Nancy
1個讚
要對方遵守契約精神，唔係“唔合我意”
我覺得未必成事、但真係影響心情、佢要考試無問題但加長年期係反口覆舌
成日話英國無欠香港人、其實以前其他殖民地都有既權利係香港人無左喎
3個讚
太多人好年輕、唔知呢段歷史、某國反對某國又同意、就係被剝奪權利既對象唔知亦無野可以做
1個讚
英國將成個香港交比共x黨都冇道義責任係完全無視歷史，我自己就唔會咬住唔放，因為都好難返轉頭，鬼叫上一代唔爭取；但你連5+1都反口就離晒譜，你個visa咁寫人哋先嚟，呢啲係基本道理
上當年英國人係賤, 係陰濕, 但當時嘅香港人大中華膠, 政治冷感冇去爭取, 亦係事實. 法例都有追訴期啦, 過咗咁耐先去追？
無話去追、只係見到成日話英國無欠香港人、要返舊賬咪齊齊返囉
1個讚
應該都係、人窮志短、但上過當點解都唔學乖呢
1個讚
當時咩環境先得架, 英國開頭都唔想比香港返大陸, 但大陸講到出解放軍, 香港人要到64之後先開始識驚, 英國當都沒落緊放棄殖民地, 唔通又打仗咩
有d野有時好難比較. 人哋走前都留咗一手好牌比香港待香港不薄啦, 係國際一線成市有自由/法治/icac/新機埸/國際金融中心/匯豐/國泰, 係香港人自己打爛副牌姐
1個讚
我上UK gov 官網check 咗，KC 講得啱，官方冇話過BNO 一定可以入籍英國，以下係settle in the UK 一段 ：
Indefinite leave to remain is how you settle in the UK. It’s also called ‘settlement’. It gives you the right to live, work and study here for as long as you like, and apply for benefits if you’re eligible. You can use it to apply for British citizenship.
英文語法可能令讀者覺得settlement 之後就可以申請入籍，但係用法律語言理解英國冇保證過一定批准，要合乎申請當時要求。好多時呢類文件都會用模糊字句嚟保障其中一方。
我唔覺得英國會要求BNO visa 轉10+1, 佢哋如果決定轉我都唔覺得係正確做法，不過英國真係冇違反契約。有時冇深入了解條文，一廂情願再到唔合乎自己心意就發爛渣我最多話我理解大家嘅擔心，不過行為令我反感。跟返英國玩法搵councilor 搵mp 遊說可能係更好辦法。
1個讚