未必會成真, 但有d人已經好衰口口聲聲話英國政府有權改, 即係唔使理道義同合約精神？呢d人係米咁教仔女？
我都唔明而家嘈，仲被人掉轉話唔尊重契約精神，wtf，佢哋首先肯定冇仔女讀緊中學，要轉國際生價
佢老婆原本話收一萬家用，突然轉收二萬
仔女學校原本五十分合格，突然轉七十分
佢公司本身比二萬人工，突然改約話比一萬
ok記住唔好嘈，欣然接受仲要讚對方
移民政策不嬲都係任改…但問題係點解唔比人出聲? 而且而家係白紙, 咩叫白紙? 即係public consultation, 爭取自己權益有咩問題
之前加拿大出術我已經講過英國都會出手, 只係估唔到咁快
7個讚
但話返你啲人係刁民咁先正
1個讚
移民政策不嬲都冇老馮, 移民政策睇自己國家需要, 聽自己選民民意好正常, 全世界係得xg唔係咁姐. 侵侵上埸之後西方好多人都突然瞓醒反左膠, 政策轉右好正常. 好聽d就即係叫聽民意囉
依道三日唔埋兩日就有人出嚟話人左膠, 又歧視其他種族移民, 根本就五十步笑百步, 又唔諗吓自己咩身世, 多得左膠先有救生艇咋, 依家右傾咪求仁得仁囉
Reform實在贏太多票, 所以逼到其他政黨要做野, 其實而家嘅工黨已經係好耐之前唔係傾左啦,大把本地人稱佢地為red tories,不過唔知點解已然好多人話佢地係左膠
其實英政府咁樣做係仆街
但啲人，特別啲藍扮王既咪開心囉，現哂形
依家好似係「你差唔多跑到終點，佢突然又拉遠啲咁」點講都唔係合理。
4個讚
答上面某君：左膠會令到個社會人道主義泛濫，失衡嘅話會引致好多社會問題；工黨轉右但冇理由追溯返已扺英嘅，呢個係基本合約精神，已經唔關左右事，或者更加引證咗工黨係左膠(膠有低能之意)，已經唔再係make sense嘅左翼
1個讚
記得當年英政府整晒宣傳邀請香港人去，宣傳內容都有提及5+1的。咁已到達當地的香港人，合理期望應是5+1的。
而睇佢白皮書又會繼續有bno visa，感覺係想你來但又想賺／用到你盡。
我覺得要出聲囉
2個讚
根本BNO就係英國政府要負嘅歷史責任，應該係爭取平權而唔係跟移民政策安排fulfill幾加幾俾你入籍就收貨，講真移民政策真係可以話改就改
2個讚
大家有時間可聽下呢段片深入析剖 
我同意趙博建議：利用香港選民嘅權煩啲MPs，向英國政府爭取及施壓
但上網有啲人不可理喻及離地到話十年咪十年囉，你正正常常等有乜影響，仲講到係我哋大貪咁
1個讚
唔係個個都有咁多錢帶過黎洗, 唔係專業人士, 普通打份工賺唔多又儲得少, 轉左10+1又可能要俾多次IHS / 申請費, 一家幾口為埋都唔少錢, 仲未計大學學費又貴好多, 點儲呀! 你估搵工真係咁易咩
2個讚
已經唔奢望平權：你英國如果唔係信一國兩制，我哋呢一代香港人有咁L慘？明明國際城市變做被獨裁統治，呢個道德責任唔使你還，都已經廢L事理你
DKLM 你話5+1邊有人夠膽否認係合理期望？突然轉做10+1，但同印度簽啲19協議佢哋嚟英國工作三年唔使供NI，我哋香港人就要交稅供NI乜public funds 都冇
你不如直接承認自己唔係文明國家啦，咩社會契約記住唔好喺學校教呀
8個讚
唔係賣港賊賣港香港會攪成咁？依家玩爛咗就要英國找數, 頭20年賺easy money個陣又唔見話同英國佬分？
民意轉咗, 工黨就要做野回應民意. 白皮書包唔包bno, 係咪變10+1都未知, 有問題咪jr囉, 個遊戲係咁玩架啦. 政客有幾pk係一回事, 英國有冇法治係另一回事.
1個讚
老老豆豆：佢咁樣同某國違反中英聯合聲明有冇本質上嘅分別？唔計有得JR呢part
如果有係咁易望下份白皮書一定知bno visa唔係佢地想攪嘅target. 不過會唔會誤中副車就未知, 大家都想佢clarify, 我覺得完全make sense 冇問題. 同埋要為自己發聲請去投票, bno holder有投票權.
某D香港人真係好肉酸, 英國人冇欠香港人. 平乜鬼野權…cls. 欠嘅只有流血/坐監嘅手足. 欠嘅係忘記咗當初為乜原因黎英國嘅自己. 想一下子即入殖真係cls. 同大陸人黎香港搶資源一樣.
2個讚
有著數奶到盡係香港人更天性 成日話有交稅有貢獻冇攞著數好似模範移民咁，稅邊個唔駛比？交得幾個月稅一落地d細路就有書讀唔當係著數？
仲大把港人投reform話清左翼政府，真係中晒回力鏢
唔係專業人士，又唔係帶好多錢過黎又普通打扮工又搵得唔多果堆最大獲，因為呢班人如果唔係英澳加放寬移民資格之前跟本冇咁能力移民走，最易比政府擺佈
1個讚
首先，1981年以前，所有英國殖民地的居民都持有相同的英國及殖民地公民身份，享有在英國居住和工作的權利
但因為某國反對，所以英國只提出居英權計劃比主要係公務員嘅人仕申請，香港幾百萬殖民地市民唔會自動有居英權
以前鄧蓮如同劉慧卿都反對，但爭取不果，民間聲音唔夠強烈係真
而家某國違反一國兩制，甚至講到中英聯合聲明係歷史文件已經失效，仲有好多本身係有英籍嘅人執行惡法迫害返香港人（三萬好多都有英籍），再加上殖民地個本質，英國的確有欠香港；絕對有道義責任
2020年英國推出5+1計劃係盡佢歷史責任，我個人亦感激，有人第二條戰線繼續爭取平權亦冇問題，老一輩對香港熟悉嘅政客好多都贊成，只係現實上可能性不大
但變做10+1係佢有違5+1承諾，的確要爭取，要發聲
以上只係我睇法
啱ar, 佢早講10+1, 我唔洗比佢添