依家係一間工程做會計文員，本身只得中5學歷，想讀呢個課程，完成後再讀高級文憑，想問下出去搵工有幫助嗎？
大約搵到咩人工呢？
會唔會考公開專業試好啲？
2個讚
我之前讀左Lcci 1,黎緊會讀level 2 ,不過諗緊會唔會都有張文憑認受性會高啲呢？
我見佢話讀完呢個文憑，再讀高級文憑就可以再讀學士學位，因為我都40歲喇，所以好驚讀錯野浪費左時間
定係繼續一路咁讀，考lcci 好呢。。我都想知
呢個course話比冇經驗的人讀，可能有其他
如果你目的係為咗學位，有冇睇埋都會大學？因為點都叫run咗三十幾年，對學生support應該比外國響香港開辦校外課程好D，起碼真係有間大學響度，你可以返去使用設施。但我返而咁諗，40歲先開始LCCI，level 2其實好淺！如果HKMA嗰個課程係foundation，可能幫到你銜接到大學課程。但你估計自己幾多歲先拎到個學位？ 到時個學位仲幫到你搵工？因為年紀有返咁上下，又要返工，唔知你有冇自己家庭要照顧，其實你最好預要捱六七年先可以畢業。
1個讚
其實係近排想轉工，覺得中5程度可以搵既工唔多所以想進修下，我都有諗過你講過既問題呀，讀完都要幾年，同時我屋企仲有2個小朋友，仲係2歲同5歲呢啲痴身啲既年紀，但就係因為有2個小朋友，想搵份人工高啲既，好矛盾
1個讚
相當同意
我當年係會考讀過Principle of accounts, 果陣會考得D
但同一個暑假去考LCCI lv2, 已經考到distinction
即係LCCI lv2 淺過會考
建議樓主就算考左LCCI 都搵其他學院課程part time讀上去
1個讚
會呀, 我都一路有睇緊其他…除左HKMA, 仲有睇熙HKUSPACE 既文憑課程
1個讚