近排留意新聞先知日本拉麵定價係約1000円，所以日本可以隨隨便便就食，而且反而因為呢個定價，反而令到啲拉麵店做唔住
但係黎到香港變成100蚊，本身香港咁多野食已經唔會餐餐食，定價仲要咁貴…
（只係經過拉麵店一個人都無…有感而發）
近年我都成日留意日本拉麵、及中華飯店拉麵+炒飯套餐，雖然係冇包其他飲品，日本人都係習慣斟、店家提供凍水飲。但日本一碗老字號出名、又多餸拉麵都係約最多仟二日元、約港幣65元。而且我我睇好多 youtuber，採訪及拍攝製作過程，全程都冇落味之素，都係用豬、牛、雞、大蔥、洋蔥、鰹魚乾、或味噌等等長時間淆製至出味，而且一定會用幼篩網隔離過濾雜質，所用其他醬油、背脂等都係天然調味料。唔似香港好多粉麵食店、懷疑湯底全都係用味精、或化學元素週期表製作，而且香港食一碗麵粉，依家隨時貴過一個午餐碟頭飯餐，而且只係為飽肚，食落唔會自己內心感覺好食，香港價格及出品真係離哂譜，當然因素上租金食材、人工及各樣開支太高所致
1個讚
同埋日本拉麵間間鋪嘅湯底都唔同，就算基本豬骨都好，都硬係有d 特色。
日本拉麵店唔係間間都好食，
近年日元匯率低，兌換成港幣價錢，先覺得抵食，
我都食過好多間唔好味嘅，但難食就未至於
我老公自己出去搵食，揀d 地道平價嘅，佢都話唔好食，似d 打工仔為求飽肚嘅質素。
2個讚
我又無聽過因為價錢而有拉麵店做唔住，你邊度聽返嚟呀？ 反而重見好多人去食，無論本地人定遊客，香港100一碗，當中3成係人工，3成租金，無人食係因為拉麵已經唔興
正如扭蛋，日本平到100，一般500，香港起碼貴10倍都有，咪一樣有生意
1個讚